森美3年前收養一對黑色Poodle 靠毛孩成青春期子女溝通橋樑

森美家中有一對玩具貴婦狗Gengar（姐姐）和Oreo（弟弟），森美經常上載他帶著2隻黑色小毛孩遊山玩水的照片到社交平台。原來令森美當上「奴才」的非他本人，而是太太和一對仔女。森美最初沒有反對、唯一條件是領養或收養，不能在寵物店購買。上天似早有安排，剛巧他遇到朋友的朋友的狗狗生了一胎7隻貴婦BB：「我當時話要養就一次過養2隻，因為狗係群體動物，就算有人都唔係成日陪到佢哋，(養兩隻) 起碼狗仔都有個伴，於是就要咗一仔一女，養咗佢哋係開心嘅，同小朋友都多咗話題。」

{{hket:inline-image name="07.jpg"}}{{/hket:inline-image}}

森美喜歡帶同Gengar和Oreo，和太太拍拖行山。（森美IG圖)

{{hket:inline-image name="71.jpg"}}{{/hket:inline-image}}

拖住Gengar和Oreo兩姐弟，假日郊遊遊，幾寫意喎！（森美IG圖)

PetPet星︳陳煒由愛名種貓變養流浪貓咪 Charlie陪睇劇本 Winnie最大食 【下一頁】

這對黑色小姊弟已經3歲，從BB狗開始把牠們湊大的森美，盛讚「子女」性格乖巧：「佢哋唔算難搞喎，但性格唔同，細佬Oreo就細膽啲，怕見生保人生保狗，唔會亂咁畀人抱，反而姐姐Gengar就好黐人，大膽啲人人都跟。帶佢哋去行山、去行水塘，佢哋好似「實Q」咁一個行前，一個行後，總之就會喺我同太太嘅腳附近範圍走來走去，如果佢哋走遠咗又走快咗，佢哋會停低等我哋。」森美稱今個夏天溫度太高，所以，待秋天才帶牠們郊遊：「試過帶佢哋去游水，佢哋都驚驚地唔係咁鍾意。」Gengar和Oreo毛色和身型相似，森美教大家分辨：「Gengar耳仔長長好似兔仔，會同佢紮辮子，造型就女仔啲，弟弟Oreo毛色黑黑地有啲白毛，所以先叫Oreo，兩姐弟唔難分嘅！」

最初2隻小毛孩由森美的子女負責照顧，但隨著大仔去了英國讀書、細女只會跟狗狗玩關係，照顧工作便落在太太身上：「咁仔女都大晒唔使湊小朋友，咁咪湊狗囉，每日幫佢哋梳毛扮靚囉。」被問到2隻小毛孩可有特別技能時，森美笑言：「冇特別教佢哋做咩絕招，不過，同Gengar講去『屙尿…屙尿…』佢就會去屙，都幾搞笑。」

狗狗不會說話遇到病痛時最令主人擔心，森美分享最難忘一次經歷：「試過一次 (我) 喺屋企食完生果啲核唔見咗，懷疑係佢哋食咗落肚，半夜三更帶佢哋去睇急症，照晒X光片睇，好彩冇食到，虛驚一場，但開頭係好緊張，好似當年自己子女發燒，夜晚周圍打畀人，問邊到睇到急症，車去睇醫生，感情就係咁，帶畀你開心，同時亦會令你擔憂。」

森美覺得Gengar和Oreo的出現，帶給兩夫妻一種寄託，「每個月帶佢哋化妝整頭，隔日帶佢哋去行下街。最重點係小朋友青春期，同你傾偈嘅意慾好細，但有咗2隻狗狗嘅話題就好好多，成為父母同子女間一種連繫，仔仔喺外國打電話返問嘅都係2隻狗狗嘅嘢，多過問我。」

撰文：衛紫敏

同場加映：不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

13歲美心妹妹楊鎧凝運動小女神 追貼劍擊熱 首日上堂造型曝光 【下一頁】