《愛回家之開心速遞》昨晚一集「醉錯的一課」講到KC（歐瑞偉飾）因為女友Icy（岑杏賢飾）不在港，加上外甥Terry（李偉健）又忙住拍劇，沒想到他難抵寂寞就去酒吧買醉！後經送水輝（許家傑飾）提點，竟然愛上品酒，而且越飲越烈，經常在辦公室飲酒提神；接龍旗下的員工見親KC都讚他神彩飛揚，他更當場表演前空翻跳上枱「拯救手機」，再空翻落地。
《愛回家》歐瑞偉激罕一家四口接拍廣告 仔女遺傳明星相暫未打算入行【下一頁】
KC好身手，在場的接龍員工無不表示嘆為觀止，熊若水（呂慧儀飾）、David姐（湯盈盈飾）等齊齊「心心眼」！事實上，今次高難度的空翻動作是由歐瑞偉親自上陣，他特別將當日拍攝的花絮片段放上IG分享；見他空翻跳上枱的一幕，圍住枱坐的有六位演員，若果稍有差池，自己會受傷之餘分分鐘傷及他人。身手不凡的歐瑞偉自信滿滿，最終一鏡完成，導演一嗌「Cut！」全部演員都拍爛手掌！
歐瑞偉乾脆俐落的動作片段太精彩，同劇的鄭世豪說：「真係巧（好）有型，我睇完又睇，睇咗幾廿次」，而其他演員袁偉豪、林子善、許家傑、謝芷倫、周嘉洛、吳家樂、林溥來等都留言讚「又型又勁」。網友回應非常有趣，指他身手太厲害，應該代表香港體操隊出戰奧運爭金牌。
《愛回家》KC由廢柴變身超強鐵腿殺手 58歲歐瑞偉吊威也對打戲親身上陣【下一頁】
（歐瑞偉FB）
59歲的歐瑞偉今年年尾將「登6」，自細是體操選手的他，讀完邵氏演員訓練班之後就成為龍虎武師，後來獲劉德華鼓勵下考入演藝訓練班，再於劇集《真命天子》擔任劉德華的御用替身。雖然武師的收入非常高，不過生涯較短，加上容易受傷，所以歐瑞偉決定走到幕前。早前他在《城寨英雄》扮演的楊竹鑾、《同盟》易先生、《殺手》鐵仁等角色，同樣有大展身手的機會，令人敬佩。
同場加映：【晴報獨家】Edan@Mirror出新歌有壓力 被批咬字不清點回應？
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉