東京奧運．男子花劍團體賽｜吳諾弘大髀肌肉抽筋完賽仍見痛 賽前一晚緊張失眠怕嘈親張家朗

東京奧運男子花劍團體賽今日舉行，「193劍神」張家朗與「大師兄」張小倫、蔡俊彥及吳諾弘出戰8強賽。經過9局激鬥，港隊以39：45不敵俄羅斯奧委會，無緣4強，落入5至8名名次賽。其後對戰德國，港隊以總分 45:38 不敵對手；最後在與埃及隊對戰一場，港隊以45：21大勝，獲得第7名。

{{hket:inline-image name="344.png"}}{{/hket:inline-image}}

當中「童星」吳諾弘表現非常亮眼，初戰奧運的他表現不俗，在三場比賽中上陣多次，而在他第一次上場已非常進擊，一開始已連奪3分，最後個人為港隊奪7分，成績令人鼓舞。隨後2場比賽中，他亦為港隊奪得多分。惟至對陣埃及時，第二輪比賽吳諾弘腳抽筋，一度要暫停休息。但之後他亦有份出戰兩輪比賽，負傷上陣仍為港隊奪多分，實在令人佩服。

賽後吳諾弘與一眾隊友受訪，「大師兄」張小倫表示：「其實有少少可惜，每一場比賽都盡咗最大努力去發揮。其實今次呢個team嚟到奧運會都係對劍擊隊係一種突破，其他隊友仲後生，希望佢哋好好準備下一屆奧運，仲有時間去磨練，我都好開心見證到今次家朗拎到第一塊香港劍擊金牌，未來嘅路一定越嚟越好！」

{{hket:inline-image name="2.png"}}{{/hket:inline-image}}

而首次出戰奧運的吳諾弘表現令人驚喜，他被問到第一次參戰感受如何：「好興奮，其實噚晚好緊張，我係咁大個仔第一次打比賽前一晚瞓唔到覺，希望冇嘈親張家朗瞓覺喇。至於今日上場冇想像中咁緊張，最主要因為今日係團體賽，如果個人賽未必畀到呢個表現。團體賽有師兄撐住，所以放膽啲打，就算失分都有師兄追，係抱住呢個心態。」

{{hket:inline-image name="7.png"}}{{/hket:inline-image}}

他亦坦言第一次參加奧運當然會怯場，「點會唔驚，奧運會咁大型比賽，係每個運動員夢想。我覺得今次係幸運，其實我個心態係有人支持我，好多謝全香港人支持，IG followers 由4百幾變到萬幾，真係好多謝大家！」

而吳諾弘被問到傷勢如何時，他表示：「其實而家企係度都有少少痛，因為啱啱踎低有少少拉傷咗大髀內側肌肉。」希望吳諾弘好好養傷，繼續加油！

吳諾弘與劍擊隊成員及教練接受無綫奧運直播節目的訪問，主持之一的鍾志光提及他當年曾為無綫拍劇卻毅然轉當全職運動員，吳諾弘稱：「做全職運動員是細個夢想，之後一步一步參加奧運會！」陳庭欣則問到他在小時候的演出經驗可有幫助，他尷尬指稱：「我諗都有啲幫助！」

{{hket:inline-image name="31231.jpeg"}}{{/hket:inline-image}}

至於Lawrence當童星時曾與馬國明合作《On Call 36小時》，馬國明直認也有在電視機前捧場：「佢好勁好叻仔，能夠得到奧運入場資格已經好犀利，好值得鼓勵！無論能否得獎都係香港嘅驕傲！」對於可希望Lawrence這位新一代劍擊男神回巢拍劇，馬國明支持對方繼續在劍擊場上奮鬥：「呢啲(拍劇)就睇佢意願，我想佢代表香港出外比賽多啲！佢年紀仲細應該累積多啲經驗，而家專心做運動員，拍劇就幾時都可以返嚟拍嘅！」

{{hket:inline-image name="6b897f6cgy1gci6es7lrnj23402c0kjl_600_600.jpeg"}}{{/hket:inline-image}}

東京奧運．男子花劍團體賽｜童星吳諾弘首踏足奧運舞台 後備上場積極進擊狂搶7分勁追【下一頁】

同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】