張寶華爆汪明荃有睇《大叔的愛》黎芷珊為無綫護航：新鮮感啫！

MIRROR成員Anson Lo（盧瀚霆）和Edan（呂爵安）演出《大叔的愛》為ViuTV創下超強人氣，掀起全城追劇熱潮！劇集曲終人散，兩位主角組成的「牧田CP」迷倒不少人，包括有「新聞之花」之稱的張寶華；日前其YouTube節目訪問TVB藝人黎芷珊，冷不防張寶華問她︰「你有冇睇《大叔的愛》？」黎芷珊避重就輕回應：「我有睇過嘅，咁黃德斌係我訓練班同學嚟嘛！」

{{hket:inline-image name="54.JPG"}}{{/hket:inline-image}}

Edan、黃德斌和Anson Lo演出《大叔的愛》重燃追劇熱潮。（東星娛樂）

{{hket:inline-image name="53.jpg"}}{{/hket:inline-image}}

黎芷珊表示，為捧訓練班舊同學黃德斌的場，都有「望吓」《大叔的愛》。（YouTube截圖）

汪明荃用招牌汪阿Tag加持後輩 隔空向石修大讚陳宇琛大個仔 【下一頁】

首先，張寶華利申，自言沒有追看《大叔的愛》，「我好遲先知道劇情係講hehe戀……題材喺電視尺度嚟講好大膽！」更大爆汪阿姐（汪明荃）都是捧場客，「我早排食飯遇到汪阿姐，佢都有睇《大叔的愛》，話好鍾意。」沒有追劇的她，也被Anson Lo和Edan「嘴咀」宣傳照迷倒，「睇完就鍾意咗佢哋！呢張相畀我好純真嘅感覺，好有愛，純粹望佢哋kiss，覺得好sweet，跟住就follow咗佢哋IG，聽佢哋啲歌……都唔明嗰種魔力喺邊？我覺得唔似做戲、唔似假，呢種感覺睇TVB就好少有！」

黎芷珊即刻反問對方：「你睇咗TVB幾多劇集先？」張寶華不甘示弱，「由細睇到大！但近年少睇，最近有睇《使徒行者3》、《鐵探》……」黎芷珊更正她，「因為嗰兩套都唔係愛情劇啫！而呢套（《大叔的愛》）中咗你口味啫！」

唇槍舌劍，張寶華又嘗試KO對方，「我又唔覺自己buy愛情片喎！我睇Netflix係睇第二次世界大戰記錄片嗰啲喎！」黎芷珊梗係繼續撐TVB，直指：「係新鮮感啫！你都冇睇過套劇，點知齣戲好唔好？好難判斷喎……」張寶華既為主場出擊，也非省油的燈，再以汪阿姐做擋箭牌，「阿姐話好睇！Edan演得好！有星味……」黎芷珊似乎無還擊之力，笑住認同。

至於汪阿姐為何會留意Edan？其實是因老公羅家英前年和Edan拍攝ViuTV的旅遊節目《臺灣文西Only You》而認識，在今年農曆新年，Edan便到汪阿姐家中拜年。

至於上月生日的Anson Lo，因為工作一直未停過，昨晚才有時間與家人吃飯，補祝生日。他上載和家人的合照。Anson Lo和父親真的很餅印，他寫著：「遲來的補祝生日飯……今日早收工和我的可愛『教主』們吃飯，包括教母、教父、教姐（狗狗Amber在家等我）和一眾親戚們……家人永遠最重要！」有網民搞笑留言說「全家福」欠了「田田」Edan呢！

撰文：衛紫敏

同場加映：鄭伊健教大家「閃避球」國語 周家怡42歲生日起勢打人？

{{hket:ul-video id="3736"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

星二代豪宅開水上樂園派對消暑 Lucy小炮彈撞到杏兒囝囝變臉 【下一頁】