《口水多過浪花》丨ERROR夠薑指未獲Do姐follow Do姐鄭裕玲：最緊要係我錫你哋咪得囉！

男子組合ERROR昨日接受鄭裕玲（Do姐）主持的電台節目《口水多過浪花》的訪問，甫開始時已經唇槍舌劍！雖然四子牙尖嘴利，但轉數都不及Do姐快。Do姐指ERROR已經「紅」了，郭嘉駿（193）立即說：「唔夠Do姐紅，因為你都未follow我哋！」Do姐聞言後尷尬失笑說：「我以前都follow好多人，但我check過，我發覺保錡你冇follow我，好失望！」梁業（肥仔）沒有幫口，踩多腳保錡，對他說︰「夠薑你攞電話出嚟！」保錡則為自己辯護：「我見你冇follow我，我先冇follow你之嘛！」Do姐最後打圓場：「冇咩嘅，最緊要係我錫你哋咪得囉！」而事實上，Do姐的IG只follow了兩個人，就是姜濤和王嘉爾。

{{hket:inline-image name="4.jpg"}}{{/hket:inline-image}}

{{hket:inline-image name="10.JPG"}}{{/hket:inline-image}}

{{hket:inline-image name="45.JPG"}}{{/hket:inline-image}}

ERROR爆紅後，支持者數目大增，肥仔坦言身心的確會很累，他說：「心入面係開心，但某程度上自己嘅私人空間少咗好多，『隊』串魚蛋都會有好多人望住，係會有啲壓力。」193亦表示私人生活比以前少了，「之前冇諗咁多，原來係會帶嚟麻煩之處，例如影相，一個人話要影（合照），其他人就會湧埋嚟……啱啱出道嘅時候，唔會有呢個問題吖嘛！以前影一、兩個就走得。其實都係開心，但要平衡番，點樣滿足佢哋（fans），我哋又舒服。」肥仔指現時很難在旺區閒逛。

Do姐以過來人身分稱做這行就是這樣，總要付出代價。阿Dee（何啟華）笑稱現時行街會選擇快行，193接著說：「跟住望住部電話，好似做緊嘢好忙咁。」Do姐反問他們工作這麼繁忙，何解仍需要行街？阿Dee解釋：「成日匿喺屋企，其實好困住個人，要行吓街睇吓新鮮嘅嘢，放鬆吓個感覺。」

{{hket:inline-image name="9.jpg"}}{{/hket:inline-image}}

{{hket:inline-image name="230829420_259610748995044_417029328032519547_n.jpg"}}{{/hket:inline-image}}

IG求限量版波鞋惹KOL炮轟 193粉絲嬲嬲豬︰抽錯水好黐線【下一頁】

對於193日前在IG限時動態向網民徵求購買限量波鞋的方法，但遭KOL「家明」抽水，斥他公開向粉絲「𢲷鞋」，Do姐乘機追問193的回應，她問道：「作為一個好嘅節目主持人，咁啱193上到嚟，波鞋件事就一定要問，你答唔答就另外一個問題。」193解構整件事始末，他說：「我當然答啦！有一對3個好勁聯名嘅波鞋，係冇可能買到，連喺外國都買唔到，我就睇吓有冇人幫到我手，無論抽又好、問吓啲公關、水貨舖又好……睇吓有冇一個途徑買到嗰對波鞋！唔係攞，超想要！但嗰個品牌已經聯絡咗我，佢留言話任何人就算畀錢都留唔到！同埋我係買，我絕對畀得起錢，我拍廣告都可以買到10對、20對，我唔明啲人點解話我要免費波鞋？如果有人睇開我，我不嬲儲開嘅波鞋，就知嗰對唔係乜嘢貴波鞋囉！」

Do姐聞言後笑著搖搖頭說：「真係吖！我記得你上次同我講，『我都諗通咗，有陣時都唔著咁貴嘅衫』，記唔記得呀？」193回答：「但呢個係一個回憶，係一個我好細個好鍾意嘅牌子。」同時指現時的衣服都是由客戶贊助。

撰文：黃曉妍

同場加映：【晴報獨家】Edan@Mirror出新歌有壓力 被批咬字不清點回應？

{{hket:ul-video id="3771"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】