亞姐參賽者│薛影儀開直播唱歌吸8千人觀看 偶像係古巨基但冇留意Mirror

早前亞洲電視招募亞洲小姐，其中一位被視為「奇葩」的參賽者薛影儀雖然未能成功入圍18強，不過就獲得高層賞識，正式簽約亞視兩年。亞視都食住個勢，除了為她拍攝全新的造型照和開設社交平台與大家互動外，更特別為她舉辦直播音樂會。昨晚（3日）阿儀的直播音樂會在短短1.5小時內，高峰期就有超過8,000名觀眾支持，更累積數萬個留言，風頭一時無兩。

亞姐候選佳麗水著面試變照妖鏡 肥腩象腿 37歲高齡阿姐Fat唇凸肚【下一頁】

{{hket:inline-image name="a8fe1b2fbab5d29f7cf42d127cb75b35_600.jpg"}}{{/hket:inline-image}}

{{hket:inline-image name="800_7b225725eaf6003b713586ada3b2f4d1.jpg"}}{{/hket:inline-image}}

{{hket:inline-image name="228713680_410016373781453_8254082492949430025_n.jpg"}}{{/hket:inline-image}}

在直播中，阿儀穿上白色上衣加吊帶連身裙，在主持人兼琴手李昊昕的陪同下，獻唱多首歌曲，包括任賢齊《對面的女孩看過來》、鄭秀文《終身美麗》、林宥嘉《想自由》、鍾舒漫《給自己的信》、譚嘉儀《天使》等，更包括她面試時唱的《兩種人》。雖然阿儀歌喉不太好，而且節奏感一般，頻頻甩嘴，不過觀眾一樣睇得非常興奮，瘋狂留言大讚：「耳朵懷孕了！」、「真係好好聽！」、「阿儀你真係好靚呀！要笑多啲！」、「三號風球下聽你唱歌，簡直係享受！」等等。

在旁的李昊昕就公開評論她的歌喉，「啱啱你唱得都ok，因為面試當日，評判好快就叮走咗佢，未有機會聽好多。直至今次A-Live，我同你由中午開始夾歌同綵排，發現你捉到拍子喎，音準係ok嘅！」不少網友都大讚李昊昕表現得非常好，忍到笑之餘亦能臨場為阿儀彈奏她喜歡的歌曲，非常難得。

亞姐2021︱37歲薛影儀18強不入跳級簽約ATV 網民期待硬撼無綫東涌羅浩楷【下一頁】

阿儀表示自己參選亞姐是因為今年賽制放寬了年齡限制，而且自己希望得到更多人生經驗、認識更多朋友。可惜最終阿儀未能打入十八強，但她自信心滿滿：「好多朋友都覺得好突然，傳短訊畀我；亦知道好多網友鍾意我，好受歡迎，啲人話我有冠軍相！」阿儀直言已跟亞視簽約兩年，自己期待不同的發展，而她最想嘗試跳舞、拍劇、拍廣告和唱歌。

阿儀直認成名之後難免有壓力，一度「放負」說：「世間上冇天使呀我覺得……」網友們即時留言鼓勵她要多啲笑容,要開心。問她喜歡的偶像是誰，「冇話咩鍾意偶像，（報道話你鍾意方力申？）我唔係鍾意方力申，只係02年買CD搵佢簽名，隻碟都仲保存得幾好呀！我覺得古巨基啲歌好聽，岑麗香同我咁大，佢都好靚。（有冇留意MIRROR？）MIRROR冇留意！」阿儀金口一開之後，網友們紛紛在留言區tag古巨基，不過可惜古巨基最終沒有收看直播。希望神女的心，能夠讓古巨基看見！

李昊昕接受《晴報》電話訪問，他表示：「真係冇試過有咁多人收睇同留言，好開心同surprise。其實我最驚係有好多負評，網民有時講嘢都好mean，但好彩好多都好正面，亦好多留言支持佢，我feel到係真心支持阿儀嘅。」對於網友大讚他忍笑功力一流，他說：「我冇忍笑，惟一一次忍唔住笑，係佢以為《惟獨你是不可取替》係首新歌，其他都冇乜特別忍笑。（驚笑佢會唔開心？）如果我笑嘅話，會畀人感覺唔尊業同唔尊重佢，我哋今次成個節目係想帶畀人開心同relax，都算係成功嘅！」

同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉