父母一年內相繼離世｜李麗珍靠「小天使」陪伴走出低潮 「希望家人在另一個世界見到我開心」

李麗珍近年來多了參與拍攝電影的工作，惟因其父母於一年內相繼離世，她需要停工去平復心情。昨日久未露面的李麗珍現身電影《鬼同你住》首映禮，接受傳媒訪問時表現略為緊張，但狀態不俗。

{{hket:inline-image name="b6f8bb22b6fae29d353cb0760966c198.jpg"}}{{/hket:inline-image}}

她受訪時表示心情平復了不少︰「唔開心嘅事都要靠自己去解決，搵啲開心事去填補。（用乜嘢去填補？）我平時會煲劇，因為以前拍嘢錯過好多戲，70、80年代嘅戲都冇機會睇。睇粵語長片覺得個人特別舒服，因為以前嘅人簡單好多，我會代入自己喺嗰個年代，開心啲。我自己演嘅劇反而少睇。」

{{hket:inline-image name="d68551fcf4d88cc0964d9253f8f00bf7.jpg"}}{{/hket:inline-image}}

李麗珍又表示在這段低潮期，幸有女兒許倚榕（Annise）陪伴。她透露女兒現時從事設計及美術工作，更主動畀家用，令她十分意外。「我話咁客氣呀！我仲問佢係咪真㗎？好感動！佢大個女，唔想我擔心，因為知道我身邊發生咁多事，好多謝個天賜呢個小天使畀我，守護我，否則我會覺得好孤獨。」

（↓點擊圖片放大睇↓）

李麗珍續指自己未來會繼續工作，透露早前客串溫碧霞投資的新戲，同時個多月後又有新戲要拍，「因為自己喺屋企會好易諗起同掛住（父母），希望家人在另一個世界見到我開心，佢哋都開心，我要積極啲工作。」

李麗珍女兒許倚榕醜小鴨變女神 脫胎換骨 大眼高鼻長腿高質女【下一頁】

同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】