Coffee接受老公出軌多於心靈不忠 遇的士司機惡言中傷選擇啞忍

林芊妤（Coffee）作客好姊妹陳敏之的YouTube頻道節目《​chi chat》，兩人於2013年拍《My盛Lady》而成為好友，相隔多年已經成為賢妻良母，由二人世界變成「有仔萬事足」，Coffee笑言：「未生仔前就擔心冇晒二人世界，但當阿仔出世後，我連老公喺邊都唔理！」陳敏之亦有同感表示：「老公話去篤波（桌球），玩到凌晨先返，返到嚟我只叫佢唔嘈醒個仔！」

{{hket:inline-image name="02.jpg"}}{{/hket:inline-image}}

Coffee現身陳敏之的網上節目。（YouTube截圖）

{{hket:inline-image name="07.jpg"}}{{/hket:inline-image}}

Coffee和陳敏之兩位太太，老公精神上出軌又接唔接受到呢？（YouTube截圖）

伍詠薇父親早逝未及報養育之恩 心痛爆喊：來世再做我爸爸 【下一頁】

在《​chi chat》「答問環節」中，是有關老公「精神出軌」、「肉體出軌」的問題？Coffee說︰「要二選一……肉體出軌係一種需要，但棈神出軌我覺得嚴重性更大！點解？因為佢個心已經冇你，鍾意咗第二個……」同時強調老公肉體出軌，「絕對可一不可再，若有第二次我一定會婚離！」Coffee是香港數一數二的人氣YouTuber，訂閱人數過百萬；早年經歷「殘厠Gathering事件」，人生直插低谷，離開TVB，Coffee說：「當時公司叫我解約走，我嗰刻好唔想走，覺得只不過係一次意外，我都唔想發生……」當時感到前路茫茫，沒有容身之所。

及後Coffee靠自己努力開創事業，她說：「好多人同我講，嗰件事（殘厠Gathering）幫咗我……我覺得啲人咁講好傻，唔係嗰件事幫我，係瑜伽幫咗我，係之後行嘅路幫咗我先真。」人在低谷時，「好難捱，諗過輕生……會唔會食多幾粒安眠就咁瞓咗就算？」心態決定境界，如何在谷底翻身？「要承認自己做過嘅事，接受自己，唔好太過在意別人對自己的評價……因在別人眼中你只係茶餘飯後話題！」

Coffee續稱，TVB藝人「發生事後」都主張「唔好出聲」好讓事情淡化，「以前我以為流言止於智者，但老公令我明白，有時啲嘢要自己出聲捍衛！有一次我同老公搭的士，我戴咗口罩……司機自言自語話『好似Coffee咁囉！你睇佢一件咁嘅事就紅到咁……見佢同好多男人瞓過』……」當時，不諳廣東話的丈夫不明所以，下車後始知司機的賤相賤格，他問Coffee為何不反駁對方？「老公嬲嘅係我唔識保護自己，而重點係，保護唔到自己又點保護到個仔？我即刻想喊，我咁軟弱，將來囝囝學晒我，畀人打畀人鬧都唔敢出聲……咁一定唔得！我終明白有啲嘢要自己講出口，勝過人哋講一百句！」

撰文：衛紫敏

同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

男主播蔡家俊踢拖入廠直播出街 有線新聞蝦碌穿崩入晒鏡 【下一頁】