【聲明】港生活網站並無進行電話推廣活動

盼10年後舉行個人展覽 柳應廷:想儲多啲獎

發佈時間: 2021/08/05

人氣男團MIRROR成員柳應廷(Jer)盛傳將夥拍隊友姜濤演出彭秀慧執導的新片,Jer坦言未收到消息是否落實演出,不過他對演技無信心,會上堂增值自己;他又表示正努力儲多點演藝成績,期待出道十年時舉行個人展覽,跟歌迷分享里程碑。

柳應廷為改編自殘奧金牌得主蘇樺偉經歷的新片《媽媽的神奇小子》,獻唱電影主題曲《神奇之路》,昨日他到銅鑼灣出席單曲碟簽名會,雖然簽名名額只有100個,但不少「柳柳粉(Jer粉絲)」一早到活動地點百德新街排隊等候,只見粉絲中有不少學生,亦有媽媽拖住仔女到場。Jer表示今次首度推出跟電影相關的唱片:「我覺得好有意思,同埋現場嘅展覽我都好有興趣,因為展覽關於蘇樺偉嘅運動里程碑。」問Jer可會想舉行自己的展覽?他笑說:「起碼等入行十年先搞啦,因為依家都唔係好多里程碑,想儲多啲嘢先,依家每個獎都有儲,希望將來有機會畀大家睇啦。」

大讚魏浚笙靚仔

另外,有傳Jer成功揮低魏浚笙(Jeffrey),夥拍姜濤拍攝彭秀慧的新戲,Jer即表示︰「我有試鏡,但結果係點要等電影公司安排,暫時咩都未知。」提到獲Jeffrey大讚取得角色實至名歸,Jer亦向對方笠高帽說:「Jeffrey都好勁啦,講靚仔佢靚仔過我好多,又大隻又靚仔,佢講客氣說話啫。」Jer坦言若有機會,十分期待登上大銀幕:「我之前拍劇集《男排女將》係一個好好嘅嘗試。(對自己演技有無信心?)無信心呀!依家仲係學習階段,我仲係好新,雖然拍過MV同《男排女將》,但拍劇對白唔多,不過我一直都有上演技班增值自己。」

採訪:Pauline

攝影:林良明

美術:梁政敏

盼10年後舉行個人展覽 柳應廷:想儲多啲獎

不少「柳柳粉」一早到場排隊見偶像。