《Dear My Friend》｜姜濤深夜發文與已故摯友「對話」 約定以後老了再相見：等我呀

人氣組合MIRROR在暑假陸續推出新歌，繼Anson Lo、Jer及Edan後，今個星期輪到姜濤出solo歌，名為《Dear My Friend》。姜濤昨日在IG公布新歌名，表示想將這首歌送給今年猝逝的好友阿Kin。新歌將於明日推出，經理人花姐留言：「令人毛管戙嘅作品，期待」。

{{hket:inline-image name="230993418_268649811265118_7789413536122784052_n.jpg"}}{{/hket:inline-image}}

在今年3月，姜濤與阿Kin打籃球，後者突感不適，姜濤立即陪好友入院，可惜阿Kin未能走出鬼門關。姜濤之後在網上直播節目中表示，希望將下一首作品送給故友。「呢位朋友係我親眼見佢走，好突然發生嘅事情，我到而家都諗起佢嗰時個樣，我下一首作品……希望你喺天上可以聽到，希望你安息！」

{{hket:inline-image name="kt5.png"}}{{/hket:inline-image}}

姜濤在凌晨連續post了12個IG story，與已故摯友「對話」，內容令人心酸。姜濤tag了好友的IG名，以黑底白字寫道：「嘿白痴仔，頭先監製send咗八胎final version畀我，你聽唔聽到？我盡咗力㗎啦，以前你成日覺得我啲歌一般，呢隻你滿意啦！之前去搵咗你家姐了，佢同我講，你爸爸媽媽身體冇乜太大問題，雖然仲未肯見我哋，但係你放心，有時間我一定會再去探佢地。」

姜濤與阿Kin在10年前左右於籃球場上認識，對方花名又名「中峰」。當時姜濤仍然是一名性格內向的200磅肥仔，「中峰」見到姜濤獨自在球場，便主動跟他說話，兩人慢慢成為好友。現在好友不在了，姜濤每次打波都會想起對方，「最近因為你唔喺度，而家打波變咗我打中鋒，原來你以前嘅位置真係好攰，以前應該成日賴你搶唔到籃板。」

姜濤問好友在那邊搵到女朋友未，「30幾歲人都仲未拍過拖，丟架到！」同時回看與好友的點滴，「頭先先發現原來WhatsApp已經搵唔到你，以前嘅對話紀錄冇晒，不過好彩啲相仲喺度，同你大部份傾偈都係當面。」

新歌MV昨日才拍攝完成，姜濤說︰「MV噚日通宵拍完啦，我今次搵嘅導演，拍嘢拍得好好，一定整到你好靚仔，你睇吓，為咗你拍完MV之後直踩30幾個鐘冇瞓過。希望MV出街之後可以親自去你屋企嗰度畀佢哋（阿Kin家人）睇，你放心我之後一定會定期去探佢哋，我都同佢哋講話以後有咩幫忙即管開口，我同占士一定盡力幫。」

{{hket:inline-image name="131909583_102224495052706_7779315077172763813_n.jpg"}}{{/hket:inline-image}}

姜濤現在人氣急升，同時面對不同壓力，他亦藉此機會向好友訴心聲，「最近呢……真係有啲攰，可能係同身邊嘅人相處得唔係太好，可能係外界成日攞我啲嘢去講，可能係對之後要做嘅事冇乜太多信心；不過好彩占士成日陪我，同埋我最近都搵返黃泉佢哋，總算覺得私底下多番啲朋友啦！」

最後姜濤亦約定阿Kin「老了再相見」，「呢隻歌，我唔需要有咩太好嘅成績，啲人喺下面評論啲咩……都唔緊要，最緊要嘅係呢隻歌你聽到、睇到就得。疫情完咗之後呢，我就搵其他人一齊旅行，你嗰邊等我老咗再過嚟，等我呀！」

姜濤在2018年參加《全民造星》而入行，他曾在節目透露，以前自己200磅，當時只有兩位值得信任的朋友，其中一個就是阿Kin。當時姜濤邀好友亮相節目，阿Kin憶述與姜濤的相識經過：「嗰時佢唔係好講嘢，掛住打波，一見到籃球場，就見到佢嘅存在。（我）得閒咪撩幾句，佢都係怕怕醜醜唔係好講嘢。」姜濤表示︰「我對住佢哋係最多嘢講嘅時候，仲多過對住屋企人。我鍾意咗女仔都會問佢哋，畀相佢哋睇。」

{{hket:inline-image name="kt8.png"}}{{/hket:inline-image}}

超感應學園︱姜濤紅到台灣姐姐贈「專屬滷味」 主持偉晉狂講有味笑話怕醜仔唔識接 【下一頁】

同場加映：Jer@MIRROR推出人生第一張慈善碟 歌迷呻斷貨望再加印

{{hket:ul-video id="3816"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】