《東張西望》主持｜林希靈賣蘿蔔糕又賣月餅為自肥 同男友陳安立一杯雪糕泯「恩仇」

《東張西望》外景主持林希靈跟男友陳安立（Brian）夾份開的網店「口張開」，無懼「疫」境繼續研發新產品，希望在中國人的傳統食品市場中，尋求一個小小立足之地。繼今年一月推出三款賀年糕點後，這次就同知名中藥品牌合作推出新款月餅，藉此奠定公司未來發展方向，專攻過節美食。

{{hket:inline-image name="lamheiling_67430023_398866207435274_6726426648931685198_n.jpg"}}{{/hket:inline-image}}

{{hket:inline-image name="50e54c03-9000-452c-90fa-963238883c5f.jpg"}}{{/hket:inline-image}}

《東張西望》女主持│林希靈推出三「糕」殺入飲食界 情侶檔靠口碑成功狂賣幾千底【下一頁】

林希靈透露公司投資了6位數字，男友Brian亦是股東之一，「一開始搞呢間公司係因為阿媽嗰邊有6兄弟姊妹，過時過節會聚埋一齊，好熱鬧又好開心；婆婆後生時會喺廚房整蘿蔔糕，我哋就喺出面等食，呢個感覺係好正。但婆婆年紀越來越大，開始整唔到蘿蔔糕，我就諗自己有冇機會負責供應呢啲蘿蔔糕，將開心、熱鬧氣氛帶畀家人，所以萌生專做過節食品生意嘅念頭。其實主要都係『自肥』，gather一班親人一齊玩。後來好多朋友叫我不如整多啲，話想買，結果就搞咗呢個品牌。一開始係想提供畀家人同朋友，所以用料一定要靚，而家會畀多啲新鮮感同創意大家。」

至於同男友合作如何避免爭拗，她說：「我哋係一齊做，做生意時點都會有意見不合嘅時候，但大家都係為件事好；我覺得係咁嘅時候，可能佢又覺得應該係另一樣。我哋每次傾完會有個儀式，就係去食雪糕，我哋會幫對方揀味道，跟住食之前會碰杯，代表頭先傾完就算，唔可以秋後算帳，要和好同埋已𠱁番你啦！基本上每次開完重大嘅會，就會去食雪糕。」

《東張西望》林希靈試ABC果汁減肥醫好便秘 「最誇張一星期只係去到一次」【下一頁】

上次推出的賀年糕點是跟大廚陳國強合作，而今次月餅就得到大公司垂青，雙方合作推出新款的中西式月餅。林希靈開心表示：「今次係同『位元堂』合作整月餅，佢哋比較中式少少，我哋就西式又後生啲，於是就構思可唔可以做兩款月餅代表到大家。佢哋會做『醇香鐵觀音月餅』，我哋就做『斯里蘭卡伯爵茶月餅』，一盒會放有兩款，代表住我哋兩邊公司。（大廚陳國強有冇參與？）今次陳師傅冇參與，係另外搵一位做西廚嘅甜品師傅。今次亦學到唔少嘢，因為對方對於檢查一環係好嚴格，所以每做完一個月餅，都會用上金屬檢查機；若果有唔小心令到月餅出現雜質，會即時顯示出嚟，我哋喺食物安全方面做得好足。」

林希靈在疫情下成功創業，她很感恩得到香港人支持，令她可以繼續向前走下去，「我哋都好想做消費券嘅生意，但係問過唔係咁易做到，惟有喺我哋自己網站度賣，會有額外優惠畀大家，經網上買就會平啲。希望一、兩年後可以開到實體店，畀大家入嚟買嘢，呢個絕對係我夢想。夢想嘅店係客人、朋友仔可以上嚟，買唔買嘢都唔係最重要，係想鍾意食嘅人圍埋一齊交流，同講畀大家知我點解有咁嘅構思。（日後有咩新產品？）構思做啲限量版手工鳳梨酥，而家已研製緊，好快就會推出；亦會有啲茶飲系列，並已籌備緊賀年嘅糕點，想整啲新產品畀大家品嘗。」

（↓點擊放大睇圖片↓）

提到不少《東張》主持人也開始拍劇，林希靈大呻時間唔夠用，「《東張》已經要一星期做足七日，佔據咗我啲時間，今年要好好學習點分配時間。平日放工後開好多會，研發食物又要試味，好似今次月餅就試過無數次先有呢個成品；加上自己興趣比較多，嚟緊會考船牌，又要考健身教練基礎課程，希望自己能夠成為一個成功嘅時間管理達人，雖然瞓得少，但好開心又過得充實。」

撰文：梁榮達

同場加映：《砂之器》｜Jer柳應廷@MIRROR難忘AK講對唔住撫平疙瘩 硬頸個性曾激親媽咪靠冧功化解

{{hket:ul-video id="3830"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】