劍擊隊再開直播│蔡俊彥成功召喚「同房」Edan@Mirror合唱 「緊張到心跳仲跳得快過比賽」

香港奧運男子劍擊代表隊完成奧運的賽事後，兵分兩路在中港兩地接受隔離的防疫安排。由於隔離期間被困住大為沉悶，他們除了做運動打發時間外，晚上都會開直播跟粉絲聊天。繼前晚（4日）張家朗、吳諾弘、張小倫和隊友崔浩賢一齊開直播後，昨晚（5日）吳諾弘再在IG直播。起初他獨自回答網友的提問，後來邀請張小倫和蔡俊彥一齊傾偈。張小倫見蔡俊彥在場，主動叫師弟邀他大學年代「同房」的好友呂爵安（Edan@MIRROR）一齊直播，笑稱想認識明星。

劍擊四子開直播│吳諾弘大爆張家朗愛乖巧孝順女 被笑撞樣陳漢典 堅稱自己唔係矮【下一頁】

{{hket:inline-image name="221113364_645676123073038_8850547263138101394_n.jpg"}}{{/hket:inline-image}}

{{hket:inline-image name="223047051_1025919598145318_8591314225357816833_n.jpg"}}{{/hket:inline-image}}

{{hket:inline-image name="226098607_542773467039266_4356371572181844010_n.jpg"}}{{/hket:inline-image}}

蔡俊彥起初非常抗拒，並寸大師兄說：「你唔叫劉德華入嚟？你話識朗平，叫佢入嚟啦你！」不過蔡俊彥後來都聽大師兄話，傳短訊給Edan。事隔一會兒，Edan在千呼萬喚之下，終於「上線」跟他們打招呼，不過此時吳諾弘突然肚痛要衝去廁所大便，場面一度混亂。蔡俊彥於是「轉場」自己開IG直播，邀請Edan和張小倫一齊傾偈，實在難得。Edan說：「好開心，好耐冇見到你喇！我而家做緊嘢，拍緊《膠戰》。聽聞你要唱歌喎蔡頭，我都未聽過你唱歌。」張小倫爆料：「Edan，我叫你入嚟，係因為蔡俊彥同我同房，奧運期間佢晚晚都唱你啲歌！」Edan笑蔡俊彥：「快啲唱歌啦！緊張？你做運動員識得點處理壓力吖嘛！不過我都唔知原來你咁鍾意我嘅歌！」

後來，Edan先唱一句自己的歌曲《E先生連環不幸事件》，由蔡俊彥接住唱，沒想到蔡俊彥說：「嘩，唔得呀喂，我心跳好快，仲快過我比賽嗰陣。」最終蔡俊彥終於開金口唱幾句，Edan都大為驚喜拍爛手掌。而《膠戰》的成員岑珈其、魏浚笙、徐浩昌、黃正宜、劉沛蘅等人亦有亮相直播，大叫蔡俊彥的英文名及張小倫的名字。他們齊心向香港運動員打氣加油，非常窩心。

東京奧運｜吳諾弘表現突出早已名草有主 「咁多位嘅支持我收到晒！」【下一頁】

蔡俊彥在直播中說：「好多人問我同Edan同房有咩感覺，冇乜特別感覺，亂啲囉！不過我本身都亂，所以冇乜所謂。」Edan隨後在直播說：「好多人知道你同我同房之後好戥你擔心，你快啲幫我澄清一下！（Edan成日照顧蔡俊彥？）係呀，佢打劍好辛苦，平時我就煮定飯、煲定湯畀佢飲囉……哈哈哈！講笑啫，平時我同蔡俊彥打牌同玩Poker，佢玩Poker好勁，當我哋係水魚，零用錢都輸晒畀佢！不過佢都好識得取得平衡嘅，有時搵佢玩，佢都話要練劍唔玩。」此時，三人同時偷偷竊笑，似乎Edan所言都並非事實之全部；最後Edan以工作為由要中斷直播，但他都不忘說：「Proud Of You Guys！（為你們感驕傲）等你哋返嚟一齊食飯！加油！」

{{hket:inline-image name="219561335_872225920376000_1378792337314035020_n.jpg"}}{{/hket:inline-image}}

劍擊隊的直播大受歡迎，前晚高峰時有2萬人收看；昨晚有Edan的加持，最高峰更飆至3.3萬人同時收看，非常犀利。

同場加映：AK@MIRROR與麻利緋聞當笑料 踢爆Frankie被誤「友人」感不悅

{{hket:ul-video id="3826"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉