【聲明】港生活網站並無進行電話推廣活動

AK@MIRROR唔抗拒代言內褲 Tiger避談緋聞女友余潔滢

發佈時間: 2021/08/06

人氣男團MIRROR的隊長楊樂文(Lokman)、副隊長江生(AK)和「忙內」邱傲然(Tiger),昨早到中環出席首飾品牌的發布會,吸引逾300個粉絲到場支持,雖然活動在清早舉行,但三子依然有親切笑容,又不時跟粉絲揮手。

對於MIRROR橫掃多個品牌代言,Lokman笑言︰「仲有ERROR!之前(市道)靜咗太耐,大家出嚟開心一下,唔介意『多啲嚟,密啲手』。」他和AK直言最想做房車的代言人,最理想是維修、裝飾一條龍。問到近日在社交網曬肌的AK,可會挑戰代言內褲品牌?他直言並不抗拒,Lokman就打趣反問︰「係咪要好似啲巨星擺甫士,挨住影黑白相嗰啲呀?哈哈!」十分搞笑。

另外,問及Tiger可有送首飾給緋聞女友余潔滢?AK即插嘴幫兄弟解圍︰「我阿媽生日喎,你揀咗禮物畀佢未?」Tiger最後尷尬說︰「佢(余潔滢)比較男仔頭,應該唔鍾意呢啲,送運動用品比較適合。」而Lokman表示會帶同女友Luxi一起揀選首飾,他笑言曾買了女友不太喜歡的款式,滿以為製造驚喜,卻換來對方冷淡回應。AK就透露曾向前女友送手鈪和頸鏈,問他是否想箍實對方?他笑言︰「箍實就送戒指啦!」

採訪︰Pauline

攝影︰林良明

AK@MIRROR唔抗拒代言內褲 Tiger避談緋聞女友余潔滢

活動吸引大批粉絲到場,有粉絲表示凌晨四點已前來排隊。

AK@MIRROR唔抗拒代言內褲 Tiger避談緋聞女友余潔滢

余潔滢孖住媽媽欣賞MIRROR演唱會,與Tiger並排合照。(資料圖片)