【聲明】港生活網站並無進行電話推廣活動

梁詠琪爆囡囡游水樹熊上身

發佈時間: 2021/08/06

梁詠琪(Gigi)前晚錄影《勁歌金曲》,她透露下月將會推出新碟,碟內會翻唱楊采妮及陳慧嫻的經典歌,雖然疫情影響工作進度,但她表示會以順其自然的態度來面對︰「我唔太心急,依家變咗佛系歌手。」Gigi透露女兒Sofia正在放暑假,她每天都忙於帶女兒上唱歌、跳舞等興趣班,Gigi表示︰「我最想佢學游水,因為係求生技能,不過佢有啲怕水,有次同佢去游水,佢好似隻樹熊咁攬實我,不過佢睇到『女飛魚』何詩蓓贏咗奧運銀牌之後,就有少少興趣想學。」

另外,合唱《我們再不講再見》的戴祖儀和涂毓麟互笠高帽,問到兩人可有發展機會?戴祖儀說︰「好多人都問我哋有無可能,但我哋真係太夾,乜都可以傾,就係無愛情嗰種火花。」

採訪︰倪小珊

梁詠琪爆囡囡游水樹熊上身

戴祖儀和涂毓麟直言太好朋友,未能「升呢」做情侶。