周潤發獲頒授浸大榮譽博士學位 白髮示人：好多謝香港呢個地方

演員周潤發昨日獲香港浸會大學（浸大）頒發榮譽人文博士學位，以表揚他的傑出專業成就及對社會的卓越貢獻。發哥以一頭銀髮示人，穿上紅色的博士袍，接受浸大校長衞炳江教授的頒授儀式。衞校長在典禮上表示，周潤發博士體現了香港人的拼搏精神，塑造了香港電影的輝煌年代，在海內、外都是極受歡迎的人物。「不論高山低谷，周博士一直默默耕耘，努力不懈，即使名成利就，仍不斷學習，不斷挑戰自己，更重要是他時常保持謙卑和感恩的心，他的毅力和待人接物的態度，堪稱年輕人的典範。」

風雨不改｜79歲盧海鵬獲發哥接送上山跑步 改善腳痛問題：身體比以前好咗【下一頁】

{{hket:inline-image name="DSC00094.JPG"}}{{/hket:inline-image}}

{{hket:inline-image name="IMG_1835.JPG"}}{{/hket:inline-image}}

在草根家庭成長的發哥18歲考入無綫的藝員訓練班，開展他的演藝生涯。發哥在發言時形容無綫是他的「大學」，「我真正報讀咗邵逸夫爵士開辦嘅無綫大學，一年後畢業開始拍劇，每日不停講對白，（清晨）06開始，外景講，返到廠……連瞓覺都係講對白，九年來都係咁，你問我拍咗乜嘢，真係唔知。到咗80年代，我見得最多唔係我媽，係鄭裕玲，日日只係唔見幾個鐘，佢係喺電視台陪我最多嘅藝人。」後來在電影界發展，發哥獲新浪潮導演啟發，拍攝吳宇森執導的《英雄本色》，他笑言：「打後10年喺槍林彈雨下過，我可以講我開槍用嘅子彈，多過當年一哥。」

1990年代，發哥決定增值自己，在南加州大學進修，直言自己不會英語感到非常吃力辛苦。「兩年之後，好好彩有機會拍到第一齣西片，對白唔多，老規矩，揸番槍。我仲記得有句對白就好似我哋喺『大酒店』聽到嘅，對家屬講嗰句折哀順變差不多。死得啦！第一齣戲就咁，大家都見到，我喺荷里活嘅發展都係折哀順變！總結講，我覺得我嘅電影行業好有趣，由廣東話轉ABC再講JIQIXI，其實係被迫出嚟嘅，嗰時要搵食，片埸百幾甚至幾百人等住你，冇得做唔到。當然，香港人畀咗我好多鼓勵、包容，愛錫！仲有好多謝香港呢個地方，賦予我智慧同愛我，要多謝香港呢個地方、香港人，多謝各位。」

《賭城風雲》兩師徒｜謝霆鋒孖周潤發曬黑超Look合照 網民勁羨慕 質疑背景電腦P圖【下一頁】

66歲的發哥榮升周博士之後，與電影《無雙》合作的莊文強導演，跟200多浸大學生進行分享。發哥分享自己演戲前分析劇本的重要性，「電影關乎到我前途、收入，好緊要，仲關乎到香港電影，支持香港電影係要畀啲心機。」他認為演員要以謙虛態度去協助導演，演員職責是希望導演成功，演員是去服務角色人物，要感動到觀眾，發哥補充說：「演員遇到溝通唔到嘅導演、唔太理想嘅劇本……演員唔好理太多嘢，只需要做好個角色，而家嘅演員太多顧忌……外國好多演員係經過訓練，做戲做到好自然，做戲好簡單。我好欣賞吳孟達，你覺佢演出好誇張，但呢個就係佢嘅角色。」最後發哥以招牌式與學生自拍大合照外，笑言將來「得閒冇事做」，會回來再同家分享。

同場加映：AK@MIRROR與麻利緋聞當笑料 踢爆Frankie被誤「友人」感不悅

{{hket:ul-video id="3826"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉