欣賞吳孟達演技 周潤發難忘「萬歲」請食BBQ

周潤發（發哥）前日在浸會大學接受頒授「榮譽人文學博士」後，聯同畢業於浸會大學傳理系、曾在電影《無雙》合作的導演莊文強，與200多浸大學生舉行分享會。一向風趣的發哥分享深受台前幕後愛戴之道，自爆當年在無綫拍劇時，不時自掏腰包麻煩工作人員買豬扒、牛扒，與台前幕後邊拍邊「巴別橋」（BBQ）。他笑指有日盧海鵬忍不住問︰「你哋成日講條橋，其實係邊？」認真搞笑。

莊文強問發哥成功之道，發哥說︰「我會分析每一場戲，好似《無雙》角色係虛，但我要做到實去呃到觀眾，我會係劇本做mark…有時對白寫同講唔一樣，要化成角色口吻，所以每場我都重新寫對白、再做一次畀導演睇。」若遇到不好的劇本如何處理？發哥說︰「演員唔好理太多嘢，只需做好個角色，依家演員太多顧忌，外國好多演員係經過訓練，做戲做到好自然。做戲好簡單，我好欣賞吳孟達，你覺佢演出好誇張，但呢個就係佢嘅角色。」