【聲明】港生活網站並無進行電話推廣活動

太極開騷邀群星憶唐奕聰 雷有輝聞故友聲綫感觸爆喊

發佈時間: 2021/08/09

太極樂隊前晚舉行《Rainbow After Rain》紅館演唱會首場,邀得多位歌手任嘉賓。群星在台上細數過往與已故太極鍵琴手唐奕聰(Gary Tong)的相處點滴;而主音雷有輝在個唱尾聲,獻唱歌曲《一生不再說別離》送給故友時,一時情緒激動爆喊,場面感人。

太極樂隊一連兩場紅館騷前晚開鑼,請來周慧敏、鄭中基、小肥及MIRROR成員江𤒹生(Anson Kong)等任表演嘉賓。眾星分享與唐奕聰合作的舊事,鄭中基指鄭家上下都識太極名曲《紅色跑車》,但他前晚特意選唱自己的歌曲《廢中》︰「因為呢隻歌編、監、錄音都係Gary幫我做。」而周慧敏表示當年自己第一次在台灣開個唱,便邀得太極做樂手及嘉賓,Gary更是她的個唱音樂總監,她說︰「《借歪》呢首歌係Gary寫畀我,我講過如果佢開作品展,我一定再唱,今晚(前晚)我完成對佢嘅承諾,相信佢會聽到。」雷有輝感觸說︰「夾band夾咗咁多年,都係第一次見個台少咗一個人(Gary),但佢其實喺度,每個人心入面都有佢。」

Anson Kong「焫着」全場

而Anson Kong則在encore時出場,他與太極合唱MIRROR歌曲《Ignited》,「焫着」全場氣氛,唱至中段更有KB加入打鼓。AK興奮說︰「好開心,好好玩!」他更答應太極,下次連同MIRROR其他成員一同玩音樂,令全場high爆。到個唱尾聲時,雷有輝大談內心感受,表示個唱數度延期,天意弄人令太極未能齊人開騷,他說︰「雖然少咗個隊友,但都會堅強行落去!Gary太太都有嚟,有佢先有Gary,先有咁多動人作品、美麗樂章,留畀大家回憶。」接着他唱出《一生不再說別離》獻給Gary時,激動得泣不成聲,隊友鄧建明(Joey Tang)亦眼濕濕,十分傷感。

完騷後,太極五子齊齊受訪,雷有輝透露唱《一》時,因聽到Gary的聲音才會崩潰︰「因為同綵排個版本唔同,頭先個版本聽到佢把聲,當堂打個突,佢把聲真係殺死我!」他表示Gary太太騷前到後台打氣︰「Gary太太仲話遲啲一齊去踩單車,大家已過咗好傷心嘅階段,尾場佢都會嚟睇!」

撰文︰Iris

美術︰梁政敏

太極開騷邀群星憶唐奕聰 雷有輝聞故友聲綫感觸爆喊

雷有輝獻唱時,在音樂中聽到唐奕聰的聲音,忍不住流下男兒淚。

太極開騷邀群星憶唐奕聰 雷有輝聞故友聲綫感觸爆喊

唐奕聰今年三月離世。(黑白圖片)

太極開騷邀群星憶唐奕聰 雷有輝聞故友聲綫感觸爆喊

周慧敏難忘當年與太極合作的時光。

太極開騷邀群星憶唐奕聰 雷有輝聞故友聲綫感觸爆喊

Anson Kong對於任表演嘉賓大感榮幸。

太極開騷邀群星憶唐奕聰 雷有輝聞故友聲綫感觸爆喊

太極五子在台上自爆當年因醉酒差點互毆。(IG圖片)