ANSONBEAN拍廣告被小朋友恰

跳唱新人陳毅燊（ANSONBEAN）近期成為廣告界寵兒，日前拍攝乳酸飲品廣告。廣告中，ANSONBEAN愛上了運動型少女，他笑說：「今次拍攝好好玩，好多搞笑場面，仲要我踩單車失手跌低。不過最難忘係我要畀個小朋友恰，佢不斷鬧我，又用水槍射我，我咁大個人都未試過畀小朋友恰。」

提到成為廣告界新寵，ANSONBEAN笑言想拍遊戲機廣告：「因為內容可以天馬行空，加上我好鍾意打機。」收入愈來愈多，他暫時未想到買甚麼獎勵自己，「反而頭先買咗好多嘢飲畀工作人員，係我第一次『萬歲』，因為呢幾日拍攝，大家又曬又熱勁辛苦，請大家飲嘢好應該。」