師傅愛你丨七仙羽全新節目打救全香港 出招修補裕美與林媽媽婆媳關係

風水師傅七仙羽不但成為廣告商寵兒，最近她更獲ViuTV邀請，夥拍陳安立（Brian）和王頌茵（Kathy仔）主持全新節目《七救星》，並將於下周一（16日）推出。ViuTV昨日（9日）在Facebook指七師傅在《七》節目會全方位「打救」大家，在預告片中，除有嘉賓KB（李健宏）、杜如風要被七師傅打救外，頭炮七仙羽就要為裕美跟男友林作的媽媽王莉妮調教婆媳關係。

{{hket:inline-image name="3.JPG"}}{{/hket:inline-image}}

林作媽媽一向反對兒子與裕美拍拖，所以今次希望借七師傅為她們化解。片段中，林作與媽媽及七師傅坐在餐桌前，而裕美拿著一盤水果入來，之後裕美眼泛淚光表示：「唔好意思，我覺得好委屈！」林作媽媽不悅說：「睇吓搵邊個請佢出去啦！」另邊廂，七師傅跳起飛踢林作，有網民留言表示：「多謝七師傅，我現在心情真係好好多。」林作亦有留言回應該網民：「冇人想知你心情如何。」

晚吹-有酒今晚吹｜裕美欣賞林作騎呢講嘢夾雜粗口 「佢係唯一最有安全感男朋友」【下一頁】

至於七師傅亦有在IG發帖，指踢林作踢到大腿和屁股要貼膏藥：「我跳起來踢林作，踢的不準，仆倒……踢不中，更氣，又再跳起來再踢，又仆倒……我和裕美拿著棍子追打林作，打完，反而我全身痛，好累。」七師傅還表示當時有分別單獨見林作媽媽、林作和裕美，她指林作跟她說：「我就喜歡裕美，我媽不喜歡是她的事，就算我母親的財產不給我，都無所謂，我是高材生，我有好多方法可以賺到錢。」七師傅再覆述指林作媽媽第一次見裕美時已經不喜歡對方。

{{hket:inline-image name="14.jpg"}}{{/hket:inline-image}}

裕美昨晚接受《晴報》電話訪問，她表示跟林作媽媽的關係一向不好，希望藉住七仙羽的幫忙為他們化解。問到林作媽媽本身不喜歡她，為何又肯答應現身？裕美表示：「佢唔肯㗎！係師傅說服佢，我都唔係太想，但盡一份綿力啦！」提到裕美在節目中眼泛淚光表示好委屈，她說：「伯母唔鍾意我，望都唔望我一眼，就算我同佢打招呼，佢都當我透明，我諗唔通我連人都不如，我覺得伯母喺背後講咗好多唔鍾意我嘅嘢，咁不如喺我面前講啦，等我死心，所以我問佢唔鍾意我啲咩，佢只係話『你唔適合我個仔。』」而七師傅則在IG貼文透露，今次的拍攝，林作媽媽是不知道裕美會出現，而最終以吵罵收場。七師傅表示：「我感覺非常對不起她們，本來希望她們可以好好的談談，卻搞到林母氣的發抖，我只好安慰她……最後我拿陳安立Brian出氣，都怪他！」

談到林作在節目中，表現一面為難，是否是二人之間的磨心﹖裕美說：「佢好鍾意用食花生嘅角度去睇，我唔覺得佢係磨心。其實拍完之後我喊咗成晚，心情好低沉，阿作安慰我話『有乜所謂吖！』，但我希望得到佢媽咪嘅認同，不過阿作唔想佢媽咪鍾意我，因為佢媽咪以前會講嘢畀佢啲女朋友聽，所以阿作會覺得冇咗私隱。」會否影響她和林作的關係？她說：「阿作話唔會影響，佢都咁大個人，自己有權選擇。」

{{hket:inline-image name="236.jpg"}}{{/hket:inline-image}}

{{hket:inline-image name="237.jpg"}}{{/hket:inline-image}}

{{hket:inline-image name="235.jpg"}}{{/hket:inline-image}}

{{hket:inline-image name="234.jpg"}}{{/hket:inline-image}}

裕美被男友母侮辱兼「冷暴力」對待 王君馨嫌林作蠱惑擔心好友受騙【下一頁】

提到林作媽媽在節目中曾講過「睇吓搵邊個請佢出去啦！」問到最終有沒有被趕走？裕美說：「冇，我好強勢。係你個仔叫我留喺度，我有樓，又唔係冇能力，我一蚊都冇用過佢個仔啲錢。我唔鍾意人哋屈我，佢個仔用咗5萬，就以為係我用。」至於有沒有後悔拍這個節目？裕美直言有後悔，因為她都很氣憤，有點不甘心。問到媽媽有否心痛自己？裕美說：「我媽咪把嘴好硬，佢話『使鬼理佢咩！』，我就希望人哋鍾意自己，但而家我係改變緊，知道冇得強迫人，自己開心咪得囉！」看來兩人關係如舊。裕美又會否覺得七仙羽師傅出手都打救不到她和林作媽媽的關係？她笑說：「好啲嘅應該，因為有次我入lift嘅時候，佢有對住我笑，但我懷疑係我冇化妝兼戴咗口罩，所以佢唔認得係我。」

撰文：黃曉妍

同場加映：AK@MIRROR與麻利緋聞當笑料 踢爆Frankie被誤「友人」感不悅

{{hket:ul-video id="3826"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】