變身大挑戰｜利愛安被「改造」令主播心心眼 張寶兒：唔再係「東涌羅浩楷」

「東涌羅浩楷」Kirsten利愛安今年面試港姐失敗，但受到網民熱烈追捧，無綫亦睇中她的人氣，「開綠燈」簽約為公司藝人，並安排她演出處境劇《愛‧回家之開心速遞》。如今劇集已拍攝但未知幾時播出，利愛安率先上J2台《娛樂新聞報道》試水溫，接受「變身大挑戰」，由頭到腳進行大改造，誓要搣甩「東涌羅浩楷」的味道。

{{hket:inline-image name="08111007.jpg"}}{{/hket:inline-image}}

{{hket:inline-image name="08111004.jpg"}}{{/hket:inline-image}}

初選失敗│「東涌羅浩楷」簽約無綫火速開工 Kirsten全新造型殺入《愛回家》【下一頁】

利愛安接受主播王鎮泉訪問，被問到是否介意「東涌羅浩楷」稱號時，她說：「我有聽過，大家拎我同佢做比較，我諗係髮型關係，其實我比較似我爸爸。」那她自己覺得似唔似先？利愛安點頭示意「似」，王鎮泉著她講「唔似」，利愛安於是搞笑做交叉手勢，連講幾聲「唔似」。之後她去到美容院，問到身上有甚麼地方不滿意時，她答：「或者可以美白牙齒……皮膚想變得更光滑，或者腋下可以變得白一啲。（腋下有問題？）冇，因為剃毛太多次，刺激到嗰度嘅皮膚啫！」

利愛安的皮膚得到明顯改善後，「星級造型師」張寶兒再為她改頭換面，勢要給觀眾一個驚喜！張寶兒表示：「我唔識得佢，聽佢言談知佢係一個斯文女仔，個樣好易令人記得，所以唔需要參考其他人形象去改造，只係將佢特色發揮出嚟就可以！揚長避短對佢嚟講已經係最好嘅造型。」利愛安經專人化妝，熨直了頭髮，穿上收腰的白色連身裙，出來的效果同當日面試港姐時十足十是兩個人！成功擺脫「東涌羅浩楷」稱號，她開心表示：「我好滿意呢個新造型！覺得係髮型令整個外型改變。（日後會熨直頭髮？）或者啦……有時我鍾意直髮，有時又鍾意曲髮。（而家仲似羅浩楷？）唔似！希望大家會鍾意我嘅新造型，然後會記得我，I'm Kirsten，利愛安。」

「東涌羅浩楷」Kirsten原名利愛安 踢爆林作由頭到尾講大話 只為抽水？【下一頁】

主播王鎮泉同利愛安全程互動，女方更主動摸他手仔，而當他見到利愛安變得靚靚時，甚至流露出心心眼！他事後在自己IG上載片段，並得戚向黃建東「挑機」話：「呢單嘢……我只能夠講……你哋一定要睇！Derek Wong Kin Tung（黃建東），我唔理你，呢壇嘢你一定要轉發，你知點解啦！」黃建東亦嬲嬲豬留言反擊：「轉發梗係冇問題。但係點解呢壇嘢唔係我做嘅？#還我愛安」。

（↓點擊放大睇圖片↓）

張寶兒亦於IG分享感受：「第一次遇見Kirsten，從她的談吐舉止中發現，原來有別於她的不羈打扮，她其實是個親切可愛的氣質女子呢。我想，一個女孩能夠學習如何打扮自己，並喜歡自己新的模樣，是一件很快樂的事情，畢竟我年輕時也常常渴望有人幫我嘗試造型/教我變美啊。#不再是東涌羅浩楷了吧 #利愛安 #香港菲律賓西班牙女子 #天生羊毛捲髮 #化妝髮型和衣著真的很powerful的 #這段時間常思考的問題 #如何把工作變得有意義 #喜歡造型就是為了給人自愛與希望」。

撰文：梁榮達

同場加映：《砂之器》｜Jer柳應廷@MIRROR難忘AK講對唔住撫平疙瘩 硬頸個性曾激親媽咪靠冧功化解

{{hket:ul-video id="3830"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】