【聲明】港生活網站並無進行電話推廣活動

傳無綫撤「限廚令」 李家鼎︰我哋只係砧板上嘅豬肉

發佈時間: 2021/08/12

李家鼎(鼎爺)、肥媽(Maria Cordero)、謝雪心及游嘉欣等昨日到將軍澳電視城,為區永權和張秀文主持的節目《代溝關注組》擔任嘉賓。眾人在節目中大談代溝問題,鼎爺和肥媽自言對兒孫的管教十分嚴厲,認為年輕一代要學懂尊師重道;而他們對於無綫擬撤回「限廚令」,均表示未有最新通知,一切交由公司決定。

肥媽和鼎爺向來重視禮貌,兩人均表示有時在街上或乘搭公共交通工具時,對於年輕人的某些行為會看不過眼,甚至會上前教訓他們。兩人同樣對兒孫的管教相當嚴格,鼎爺表示︰「大仔(李泳漢)出世之後一直只係食素,試過有次食飯嘅時候扭計,前妻(施明)索性唔畀佢食,全日淨係飲水,佢餓到食狗糧,自此之後大仔就唔敢再揀飲擇食。」肥媽則認為年輕人最重要懂得分尊卑,她說︰「見到長輩唔可以淨係say hi,唔可以淨係叫uncle同auntie,要逐個叫佢哋嘅稱呼。」

此外,提到無綫近日擬撤回「限廚令」,問兩人會否希望再主持飲食節目?鼎爺和肥媽異口同聲表示交由公司決定,鼎爺說︰「公司係老細,我哋只係砧板上嘅豬肉。」

游嘉欣揀男友有信心

同場的游嘉欣被問到可有出現代溝問題?生於千禧年的她笑言︰「其實我都知道90年代嘅事,家姐大我11年,佢經歷過嘅其實我都有經歷。但有時同父母真係會有少少代溝,但我哋從來都無試過因為呢樣嘢有拗撬。」至於揀男友方面,又會否與父母出現代溝?嘉欣稱目前仍未有男朋友,不過她自覺擇偶要求一定比媽媽高,又表示若相信對方會是結婚對象,才會帶回家給父母過目。

另外,早前嘉欣到泳池拍攝節目,問到是否以性感泳衣上陣?她表示只是穿上tee及背心,並笑言︰「大家身材好有料,我唔敢着得少布。」

採訪︰Pauline

美術︰梁政敏

傳無綫撤「限廚令」 李家鼎︰我哋只係砧板上嘅豬肉

游嘉欣自稱與家人沒有代溝。