UNICEF HK「還童心導遊」 籌款撑全球受疫情影響兒童

疫情影響全球好多地方嘅小朋友及家庭，黛安知道，聯合國兒童基金香港委員會（UNICEF HK）喺今個月30日至下月22日推出新籌款活動「還童心導遊」，即日起以個人名義捐款$260，或以團體名義捐款$850後，就會收到電郵通知如何啟動「還童心導遊」手機程式，並可以參加9個數碼創新項目。佢哋仲請到郭晶晶、鄭欣宜同張曦雯3位星級導遊助陣㖭。幾位星級導遊分別會參加3個項目，包括《童尋水源》、《童您跳勁舞》及《瑜伽童樂》，想跟佢哋學嘢就要快啲報名喇！

另外，每一位參加者都會收到紀念Tee，仲有Logitech嘅$50現金券；完成活動後分享出去同呼籲朋友捐款，更可賺分數換取唔同優惠。捐款收益會用嚟保護及支持全球受疫情影響嘅小朋友同家庭，真係好有意義。詳情可【按此】瀏覽。