羽毛球代表隊帶大家宿舍Tour│伍家朗開直播被網友讚似陳錦鴻 徇眾要求突襲鄧俊文：直播沖涼？

東京奧運雖已落幕完結，香港市民支持本地運動員的心仍未見減！近日不少運動員陸續返港或者到內地準備全運會，都需要隔離，在隔離悶爆的日子，香港運動員都不時在IG直播解悶，與市民分享他們私底下的一面。昨晚輪到伍家朗，身在香港體育學院宿舍的他除跟大家聊天外，更帶網民遊走宿舍的每個角落，又分享他在奧運村帶返香港的紀念被子，最高峰期有1.2萬人同時觀看直播。

組劍擊F4│張家朗怕醜仔唔敢搵女神江旻憓 大師兄張小倫狂推：同佢表白【下一頁】

{{hket:inline-image name="233600472_1028517284355654_3909909211911000335_n.jpg"}}{{/hket:inline-image}}

{{hket:inline-image name="234748257_536752730872017_3357232697496565859_n.jpg"}}{{/hket:inline-image}}

27歲的伍家朗一身居家打扮，齊陰的髮型，外表成熟的他原來都有一顆小男孩的心，其枕頭套竟然是《數碼暴龍》！而陪睡的有曼聯吉祥物公仔，他笑言：「卡通公仔我鍾意勞蘇（《反斗奇兵》系列），佢係一位老人家，我覺得好可愛。」伍家朗稱平時都有聽林家謙的歌，鍾意睇Mirror節目，但沒有特別鍾意哪一位成員；有網友留言讚伍家朗好似年輕時的陳錦鴻，這時IG直播彈出的留言、認同的人也越來越多，伍家朗說：「點解你哋個個都話我似陳錦鴻？係咪《創世紀》陳錦鴻呀？仲有人話我似少爺占、方大同！到底我個樣可以似幾多人？」

早前，停泊在啟德郵輪碼頭的「雲頂夢號」郵輪，船身的LED燈展示著「NG KA LONG YOU HAVE BEEN AMAZING（伍家朗你一直都很厲害）」的字句，讓伍家朗說享受「教主」一般的福利，他說：「好開心！做咗一晚教主！我之前睇到大家用好多意想不到嘅方法幫姜濤或者Anson Lo（盧瀚霆）慶祝生日，我冇諗過自己都可以經歷到一次。」

聊天過後，網友「慫恿」他去突襲隔籬房間的鄧俊文（羽毛球混雙項目好手），起初房間內傳出人聲：「沖緊涼！」沒想到的是，大量網友留言想睇「直播鄧俊文沖涼」，認真重口味！伍家朗再次突襲，才得悉原來只是鄧俊文的同房朋友，該朋友說︰「俊文住『旅舍』，唔喺房……」怎料網友聽到「女舍」二字，即時起哄，伍家朗立刻澄清︰「係『旅舍』……唔係『女舍』……」

奧運閉幕禮│謝影雪鄧俊文上ViuTV節目自肥 Mirror下戰書挑戰打混雙羽毛球【下一頁】

另外，獲得奧運銅牌的乒乓球女團杜凱琹、李皓晴和蘇慧音近日都有接受體育記者的邀請，於IG做直播，她們笑言蘇慧音被稱呼花名「Susan」，蘇慧音解釋：「因為場波打得好，佢哋就覺得好『神』，叫我蘇神，諧音就Susan囉！」三女各有不同的偶像，同是「外貌協會」，李皓晴鍾意周柏豪、阿杜鍾意關智斌、蘇慧音則迷上劇集《大叔的愛》，愛上呂爵安、盧瀚霆。在比賽獲得佳績後，李皓晴、阿杜分別獲偶像的私訊恭賀，令她們非常開心。

對於教練李靜在比賽上疑似激動「爆粗」鬧：「X，你企中間啦！」阿杜回應：「其實我完全唔知佢係鬧緊我呀！免疫咗，只係聽到企中間。我唔覺得佢鬧緊我，因為佢好激動，只係用助語詞加強呢句說話嘅重要性。（激將法？）佢激將法係運用得好成功！」

同場加映：《砂之器》｜Jer柳應廷@MIRROR難忘AK講對唔住撫平疙瘩 硬頸個性曾激親媽咪靠冧功化解

{{hket:ul-video id="3830"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
 

責任編輯：楊安莉