韓子亮暗指掌握保錡「迷姦」證據 「搶咪事件」結怨：唔驚佢告誹謗

歌手韓子亮（TL）今日（12日）突然於自己社交平台限時動態指香港某組合成員涉嫌迷姦，雖然TL冇喺呢個限時動態指名道姓，不過隨後喺幾個限時動態中都Tag咗同佢已反目成仇嘅舊朋友吳保錡@ERROR，更指掌握對方「食女」嘅證據，叫保錡「準備退出娛樂圈」！

{{hket:inline-image name="235902847_3094101560819592_1065567129401278274_n.jpg"}}{{/hket:inline-image}}

TL同保錡其實一早已結怨，早年二人一同出席活動，二人演唱時TL突然一手搶去保錡手上嘅咪，之後保錡就喺台上無奈傻笑。TL曾經解釋當時主辦方係邀請佢去做表演，邀請埋保錡係想幫佢有多啲曝光率，而當時自己支咪突然失靈，一時情急之下先搶走保錡手上嘅咪。不過事件就一直令保錡耿耿於懷，保錡於節目《ERROR自救TV》同演唱會都曾經重提事件，更指自己因為咁而有咪高峰恐懼症。

↓ 點 擊 圖 片 放 大 ↓

今日TL就喺自己IG大反擊，表示自己有大量保錡嘅黑材料，指佢「食女」更暗指對方涉「迷姦」。TL「爆大鑊」令到有8000幾人湧入佢IG食花生，令佢始料不及。TL接受《晴報》訪問，講述自己「反擊」原因，指自己早前接受傳媒訪問講搶咪事件都係好正面，不忿保錡不停重提事件抽水，認為保錡咁做變相係「策動」Fans不停攻擊佢：「演唱會播剪輯同醜化我嘅片段『招呼』我。」佢又指因為ViuTV刪除相關節目，所以佢就重Post上自己IG，估唔到會引嚟咁多人回應：「ViuTV咁大間公司都刪片，唔係身有屎點會咁。好多同佢有過節嘅人搵我，有7個女仔畀佢𠱁過上床，佢喺屯門河邊飲酒Flirt女，我聽到都O晒嘴。」

↓點擊圖片放大睇TL對保錡指控↓

TL指而家自己正係做緊資料搜集，會集合咁多個女仔，約齊佢哋一齊企出嚟。TL又表示不忿經常被人指抽保錡水，佢就自覺係自己畀保錡不停抽水：「佢唔辣㷫我我都唔辣佢，對我好唔公平。佢IG（直播）爆粗，公司都唔雪，都可以繼續食女，點解啲咁嘅人都可以放生佢，班Fans又盲撐佢。唔係我搞死佢，係佢食女搞死自己。」

不過當再追問TL所指嘅「香港某組合成員涉嫌迷姦」，佢就反口話自己冇指明係保錡。TL表示呢個係一個好嚴重嘅指控，驚爆料嘅女仔到時反口唔認就到佢惹禍上身。本報亦曾就事件聯絡保錡以及其經理人，暫時未獲回應。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】