【聲明】港生活網站並無進行電話推廣活動

抽空湊女返學 陳展鵬出動美食引誘

發佈時間: 2021/08/13

陳展鵬昨日出席新劇《童時愛上你》的拜神儀式,展鵬透露正拍攝四套劇集,但幸好時間未有重疊,他表示︰「個女呢兩日開學(學前班),我都仲有時間可以湊佢返學、放學。噚日(前日)佢第一日返學,我哋算係正式分離,啲老師好叻,我送個女去門口之後,老師即刻帶佢入班房,我都盡量唔望番轉頭,免得佢爆喊。不過我都有絕招嘅,就係買定佢最鍾意嘅嘢食接佢放學,我帶咗佢最鍾意嘅士多啤梨,佢食得好開心。」

另外,展鵬在劇中與糖妹飾演情侶,高矮懸殊相信能擦出不少火花,展鵬說︰「呢個配搭有新鮮感,感覺幾正。喺劇入面我同糖妹、張振朗同高海寧有四角關係,期間會發生好多有趣嘅事。」

抽空湊女返學 陳展鵬出動美食引誘

高矮懸殊的展鵬和糖妹,將在新劇飾演情侶。