《聲夢傳奇》歌唱比賽上個月完滿落幕,大熱的炎明熹得到三個獎成為大贏家。15位《聲夢》學員連月來表現出色,吸納了不少粉絲支持,TVB承接氣勢,舉辦《聲夢》畢業演唱會。一連四場「聲‧夢飛行First Live On Stage」演唱會昨晚(8.12)假旺角麥花臣場館開騷,全場觀眾氣氛high到爆呀!
聲夢傳奇│冼靖峰名校出身不認為贏在起跑線 棄高薪尋夢:咁先係人生勝利組【下一頁】
炎明熹(Gigi)、姚焯菲(Chantel)、鍾柔美(Yumi)、冼靖峰(Archie)、何晉樂(Rock)、文凱婷、林智樂、蔡愷穎、林沚羿、孫漢霖、潘靜文、黃奕斌(Hugo)、詹天文、林君蓮和張馳豪以他們的主題曲《造夢時學會飛行》為演唱會掀起序幕,他們以去年拍攝MV時的同一造型登場,隨後各自獨唱,把比賽時表演過的曲目重新演繹一次。昨晚有JW王灝兒、泳兒擔任嘉賓,分別與Chantel和Archie合唱。JW、Chantel合唱《矛盾一生》掀起全晚高潮!Rock與Archie「化敵為友」,在台上聊天時,Archie一度講錯兩人「同一廁格」,即時引起全場起哄!粉絲大叫:「兩人結婚啦!」認真搞笑!
15位學員的造型可謂千奇百趣,四小花Yumi、Chantel、Gigi及Windy合唱時,造型上的配襯明顯不太得宜,不太同步;幸好舞步齊、唱功好搭夠,特別是Yumi熱舞曬長腿,跳得非常賣力。
今次大會邀請張寶兒為15位學員擔任形象設計,見蔡愷穎的hair band相當別致,未知是否張寶兒借出其私伙頭飾?論到最爆笑的絕對是Hugo,身材高大的他穿樽領冷衫加外套,配上目測最少7條不同款的頸鍊,是MK還是韓國OPPA?見人見智;他在唱歌期間,外套衫袖突然出現一大抽價錢牌,似乎是為他向時裝品牌借衫的同事未有小心處理,搞到Hugo唱《愛的宣言》時,冧功未能盡情施展。事後他受訪時「攬晒上身」,承認一時投入「出賣」價錢牌,發現時已經即時收好,用手插袋避免尷尬。
聲夢傳奇︱炎明熹獲獎繼續做慳妹巴士代步 演唱會門票今開售 30分鐘極速賣晒【下一頁】
冠軍人馬Gigi壓軸登場,唱跳非常穩陣,不時跟台下觀眾揮手,相當有大將之風。不過其造型就認真出事,喺「蓬蓬手袖」上衣加上一件花花外套,累贅之餘,她一邊唱外套一邊滑落!Gigi幾大夾到實一實,狀甚狼狽。
完騷後,Gigi同Archie分別接受訪問,前者直言形象、服裝上沒有給予意見,完全聽從張寶兒的安排,對於外套不配搭、滑落的問題,她大方回應:「咁都係畀我學習嘅一課,雖然有啲狼狽,但我應該即時諗辦法點樣一路唱一路不經意咁𢲷番件衫上嚟……」她續說第一場演出難免心情緊張,有些演繹不太滿意,「只畀自己50分!希望往後幾場會更加好。」
而Archie笑稱在《餓狼傳說》中展現出少許舞蹈元素,「其實已經係跳舞嚟!始終個騷太趕,我下次會跳多啲……自己表現都好放呀,做咗好多冇預期嘅動作,最後一下動作將個mic stand踢咗埋去個琴嗰度!事後我都同Johnny Yim(嚴勵行)道歉,但佢畀咗個like嘅手勢我!」
同場加映:《聲夢傳奇》開畢業演唱會 15名學員邊個唱得最好?
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
責任編輯:楊安莉