《24/7TALK》︳金像美指文念中爆初踏影圈舊史 影壇女神反應彈貼胸口炸到爆粗

香港電影美術指導文念中，多次在《香港電影金像獎》獲得「最住美術指導」及「最佳服裝設計」榮譽。歷年參與電影超過80齣的他，早前接受廿四味YouTube節目《24/7 TALK》的訪問，分享多年來在影圈與大明星及導演「過招」的難忘經歷。

{{hket:inline-image name="01.jpg"}}{{/hket:inline-image}}

金像美指文念中擔任《24/7 TALK》網上節目的嘉賓。（YouTube截圖）

{{hket:inline-image name="10.jpg"}}{{/hket:inline-image}}

梁家輝、張敏拍攝台灣古裝電影《神經刀與飛天貓》（1993年）。（網上截圖）

《24/7 TALK》︳森美曾亂服麻黃禁藥自救抑鬱 難忘主持節目犯大錯遭停職處分 【下一頁】

文念中稱，第一次為《神經刀與飛天貓》擔任助理美指，該齣電影參與的演員有梁家輝、張學友、張曼玉、張敏和葉蘊儀，他就負責為眾星設計、安排戲服，他說：「因為係古裝片動作片，咁有個女藝人要黐反應彈（bullet hit，藏在表演者衣服內，用以製造子彈撞擊效果的小型煙火裝置），你知啲女仔衫好薄，拍完第一take（一組鏡頭），個女星突然大叫爆粗！XXXX！都話唔好黐『波的』（乳頭）咯！」他估計工作人員並非有心，而是裝置移位才誤中重要部位。

該「受傷」女星是文念中心目中的女神，形象優雅。廿四味4子追問到底女星是誰？「我頭先講咗3個女星，你哋自己諗啦！」談到與多位大導演合作，文念中提到王家衛怎樣為難他，「佢好多戲都想要女演員唔戴bra，咁我覺得沖完涼瞓覺唔戴係合埋嘅，唔合理嘅係，點解個責任要交畀我同個女星講？我係美指咋……自問冇呢個能力……」

文念中憶起拍攝王家衛《墮落天使》（1995年），「去到現場搵靈感，導演話要拆人哋嘅燈籠、招牌嚟用，大家就攞住螺絲批去拆啦！其中一場戲去到喜帖街，佢話要一個一樓一鳳嘅燈箱，但附近真係冇，咁道具手足問導演『你係咪真係要？』導演話係……手足就打咗一個電話畀相熟嘅色情場所，攞咗個燈箱不嚟！」但王家衛對燈箱仍然冇feel，最後用大鎚打爆燈箱，光管碎片四散才收貨。

2002年，他為導演許鞍華的電影《男人四十》擔任美術指導，第一次與梅艷芳合作。文中念仍記得當日帶著戲服到梅姐寓所的情況，他說：「我好緊張呀！拎衫畀梅姐試，佢一開口講『點呀？試乜衫呀？』跟住梅姐就攞咗大堆衫行上樓，每套著好都行一次落嚟；梅姐嗰種靚法，感覺好amazing，好nice！真係毫無架子。」

撰文：衛紫敏

同場加映：《聲夢傳奇》開畢業演唱會 15名學員邊個唱得最好？

{{hket:ul-video id="3885"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

陳庭欣和男友家中睇喪屍片出事 愛犬一姐搞破壞銀包信用卡分屍 【下一頁】