一田返學裝備展 護脊書包6折起

距離開學仲有半個月時間，係時候準備返學嘅用品喇！黛安收到風，一田百貨正舉行《Power Up！一田返學裝備展》，展期即日起至9月7日，展場位於一田百貨沙田店2樓、大埔店1樓及特別展場，有齊書包、皮鞋、運動鞋、電腦、打印機及配件裝備等。

公關姊妹話，展場齊集6大護脊書包品牌，更以低至6折發售，包括德國嘅Tiger Family Joy系列，獲人體工學認證，並有Beckmann嘅經典22L書包，內置S型護脊鋁片。展銷期買任何書包仲可獲贈酒精搓手液，場內亦有多款小童口罩，方便買嚟返學時用。

疫情下學童要上網課，一田亦搜羅咗唔少護眼用品，例如ProEyes兒童抗藍光眼鏡、Philips枱燈及卓營方兒童護眼寶咀嚼片等；同時備有電腦、無綫打印機、無綫滑鼠鍵盤套裝及兒童耳機連咪，部分產品減至78折㗎。至於返學皮鞋、運動鞋品牌亦以低至7折發售。YATA-Fans會員或憑一田信用卡買指定返學用品，更可享額外95折優惠㖭。