黃秋生暗示退出劇壇

由黃秋生、朱栢康、陳淑儀主演的舞台劇《ART呃》大前晚起在香港演藝學院公演，秋生完成首場演出後，率領全體台前幕後謝幕，言語間秋生似暗示「退出劇壇」︰「今次我特別多感觸，我喺呢個舞台有好多夢想，特別喺學習嘅時候，我亦喺呢度實現好多嘅夢想。但夢想好似樂曲咁，會有休止符、會有完結嘅時候，有時演出會有不可抗力嘅中斷，如果呢個係告別的話，我希望明年係一個復出。」

完騷後，秋生大讚觀眾表現熱情︰「我哋無咩爆肚嘅，平時排戲係出八成力，有觀眾先有十成。」朱栢康演出時要被秋生「爆樽」：「綵排時研究過用木棒、水管，依家練成『鐵頭功』，最怕佢打穿我耳膜，聽唔到嘢就演唔到落去。」