奇招壓價｜兒子覓租盤迷信母帶風水師睇樓 批風水差壓價：平租啲就好好多

物色樓盤時經常要與業主討價還價，不過請風水師上門睇樓公然壓價卻鮮有聽聞。一名網民卻指兄長最近與未婚妻正在找租盤，媽媽竟然擅自帶同任職風水師的朋友睇樓，期間公然批評單位風水差，並藉此向地產經紀壓價，場面令人尷尬。

一名男網民於「香港討論區」發帖，指哥哥因快將與未婚妻結婚，決定搬出租樓，而二人亦早已找到心儀租盤，但打算再次上門睇樓才落決定，母親得知後決定「一齊去幫吓眼」。

事主形容媽媽為人一向十分迷信，本以為她只會「拎本書睇吓方位」，未料她竟然在睇樓當日，擅自帶同一名任職風水師的中學同學同行。雖然哥哥和未婚妻都對其唐突之舉感到有點失禮，但又覺得媽媽並無惡意，因此亦未有阻止。

批風水差要求減租

然而，風水師卻在睇樓期間不斷「唉聲嘆氣」，批評單位風水不佳，「同我阿媽講層樓唔係咁好又點點點」，媽媽也覺得言之有理，竟然轉身向地產經紀明言單位風水不好，因此要求減租，

「你呢層樓風水唔係咁好，如果可以平租啲就好好多！」

批評母親失禮

事主得悉事件後，認為母親根本無意睇風水，只是假借風水之名壓價，為此感到相當尷尬，大呻：

「媽呀，你想講價咪講價囉，做咩又要扮晒嘢搵個風水師上嚟搞場大龍鳳？我都戥我阿哥阿嫂尷尬。」

帖文引起網民熱議，不少都認同事主想法，認為其母親只是借風水講價，笑言其藉口有「有啲新意」；但亦有人覺得其要求不合理，業主應該「企硬」不減租。還有人指出，其母親做法並不罕見，不少長輩都習慣在睇樓時批評單位，以博取減租，認為她只是愛子心切。

（↓點擊圖片放大↓）

同場加映：

報識玩 | 富豪酒店夏日親子 Staycation 八大運動課程「SUM」動起來

{{hket:ul-video id="3850"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】