陳偉霆撻着失婚維密超模何穗 拍拖逾4個月北京豪宅秘密同居

35歲陳偉霆被封為「最強筍盤」，近年喺內地嘅演藝事業發展順利，身家以億元計。除咗同內地女星楊冪主演、全城矚目的內地劇《斛珠夫人》即將播映，佢主理嘅潮牌「CANOTWAIT_」仲同國際品牌合作，事業如日中天。不過日前佢被爆出「封盤」，同內地維密超模何穗（Sui He）撻著！

{{hket:inline-image name="1.JPG"}}{{/hket:inline-image}}

消息指陳偉霆和何穗於北京秘密同居逾4個月，女方被影到連日嚟喺陳宅自出自入，每次都由男方司機管接管送！本月8日，陳偉霆被影到健身後坐車離開，途中於某商場門前停下接何穗，期間陳偉霆曾落車購物，再上車同女方齊齊返歸，二人徹夜未有離開。3日後，司機先送陳偉霆到高鐵站，之後返回陳宅接送何穗到健身室，健身後再返陳宅。隔了兩日，司機再去高鐵站接公幹後返京嘅陳偉霆，再送佢返屋企換衫去健身室。

陳偉霆同何穗其實係喺2019年內地一個大型活動中結緣，二人同桌而坐，一邊歎香檳一邊欣賞台上表演。去年3月，有內地網民爆料，稱於陳偉霆屋企進行裝修工程時，見到劉雯出現，加上陳偉霆曾自爆欣賞劉雯， 於活動上見面即主動要求自拍合照，令戀情似層層；不過雙方都否認傳聞，估唔到呢位網民只係「點錯相」，認錯何穗做劉雯！

雖然陳偉霆對戀情避而不談，但就有網民大讚二人超級絕配，指佢哋都熱愛健身，係一對「自律CP」。不過俘虜萬千少女心嘅陳偉霆今次都傷透少女心，唔少粉絲都覺得自己「失戀」！佢哋都對偶像伴侶要求都非常高，批評何穗「底花」，皆因佢曾經失婚，認為對方配不上陳偉霆，力勸陳偉霆分手：「這女的黑歷史不少，人品堪憂」、「女的配不上男的！」

何穗2015年曾自爆婚訊，並網曬結婚證，但遮掩著丈夫樣子，外間一度以為係宣傳炒作，但何穗親自回應，指婚訊「比珍珠還真」！奇怪嘅係佢之後刪掉有關婚訊博文，並於某綜藝節目中表示自己單身。有傳這段婚姻只維持7個月，其前夫身分一直未明，有指男方是模特兒紀煥博；又有傳何穗被「騙婚」，婚後先知丈夫係偽富豪，更傳出男方是由名模奚夢瑤介紹，以致姊妹反目。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】