【聲明】港生活網站並無進行電話推廣活動

暑假充當「柴可夫」 鄭中基計劃新歌由仔女唱Rap

發佈時間: 2021/08/17

鄭中基(Ronald)昨日為ViuTV音樂節目《Chill Club》錄影,首次上節目的Ronald演唱了四首歌。他透露最近正構思新歌,希望透過歌曲跟一對仔女互動,故有意讓他們負責rap(說唱),但Ronald笑言他們要先學好廣東話才能實行。

身為廿四孝爸爸的鄭中基,他表示整個暑假都為一對仔女安排好節目︰「小朋友都係鍾意去summer camp,不過我淨係負責接送,等佢哋做下運動、放下電。」Ronald指大女Emma比較好動,甚麼新活動都肯試,反而細仔Evan比較穩陣,多會先看清楚才行動。不過,Ronald笑言兩姊弟在食方面就剛好相反︰「家姐會睇定啲先食,細佬反而乜都食,食咗先算,佢寧願食完,唔好食再吐番出嚟;佢仲要好麻甩,鍾意食豉汁魚雲、羊腩煲啲蔥同蒜頭。」

Ronald又透露日前與一對仔女打籃球,他大讚女兒打籃球的技術相當不錯。問到一對仔女可有興趣唱歌?Ronald表示︰「佢兩個反而好鍾意rap,依家都構思緊首歌,由佢哋負責rap,小朋友把聲去rap其實幾得意,不過首先佢哋要學好廣東話。」Ronald又指一對仔女的聲音十分相似,有時打電話回家,自己都經常認錯他們的聲音,十分有趣。

支持起用新導演

問到Ronald近日可有新搞作?他表示近期疫情緩和,工作比之前多,自己的網上頻道亦有逾30萬訂閱人數,現正構思一項實體慶祝活動。另外,Ronald早前剛拍完賀歲片,他透露已籌備拍攝一套新電影,一直支持起用新人的Ronald說︰「搵新導演嘅好處係佢哋乜都肯試,有時佢哋嘅諗法係我哋未必諗得到,拍出嚟反而會好好睇,所以現階段希望乜都做咗先,先創作然後再去實現。」

採訪︰Pauline

美術︰梁政敏

攝影︰林良明

暑假充當「柴可夫」 鄭中基計劃新歌由仔女唱Rap

Ronald一家四口不時享受家庭樂,非常溫馨。(資料圖片)

暑假充當「柴可夫」 鄭中基計劃新歌由仔女唱Rap

Ronald開設的網上頻道已有逾30萬訂閱人數。(網上截圖)