《七救星》丨七仙羽為林作擺平婆媳關係 合十不停唸「難唸的經」望化解

由七仙羽師傅主持的ViuTV 節目《七救星》昨晚播映第一集，她在兩名助手陳安立（Brian）和王頌茵（Kathy仔）協助下，為嘉賓轉運，包括杜如風、小肥、KB（李健宏）、郭奕芯、鄧洢玲、和泉素行等。 
昨晚首集有林作和媽媽王莉妮及女友裕美為節目打響頭炮，眾所周知，林媽向來反對兒子與裕美相戀，認為對方出身低微，有太多負面新聞，拒絕她嫁入林家，不過林作一於少理，繼續與裕美愛得癡纏。

{{hket:inline-image name="3.jpg"}}{{/hket:inline-image}}

{{hket:inline-image name="4.jpg"}}{{/hket:inline-image}}

七師傅指林作罪孽太重，要用棍打走其身上的口孽，平息林媽和裕美之間的婆媳糾紛，將兩人的心結解開。七師傅懷住一顆慈悲心，來一招飛撲亂棍喪打，打到林作「呀呀」聲，七師傅說：「你唔好咁叫啦，我真係好㷫呀！」裕美見狀立即幫手，林作被女友狂毆便說：「嘩！打者愛也！」裕美表示要打出平日的怨氣，打到林作背部有數條棍痕。

師傅愛你丨七仙羽全新節目打救全香港 出招修補裕美與林媽媽婆媳關係【下一頁】
談到媽媽不喜歡裕美，林作指皆因女友靚，七師傅聽到即問：「如果好似我咁樣，你媽咪鍾意定唔鍾意﹖」林作笑說：「真頭見到你就打你啦！」林作在節目中為裕美護航，指媽媽一直誤會，以為是裕美黏著他，「事實係我追佢，我有澄清，但我媽唔理，佢覺得係事實就事實，佢唔聽人講，又或者佢搞錯係我畀緊錢佢（裕美），其實唔係，係佢生意做得好，自己搵到錢，甚至乎而家佢畀緊錢我使，因為佢搵得多，有時佢會畀家用，但我媽唔會信，我媽堅持、肯定我咁發奮圖強搵錢，係因為要養裕美，我媽有個大問題，最困擾我...」七師傅接住說：「唔鍾意靚女，懷疑佢貪你啲錢。」林作認同，並指媽媽經常在背後說她的壞話：「如果對佢有咩唔滿意，就應該當面講清楚。」七師傅問林作如果裕美和媽媽一起掉進水，他會救誰﹖林作笑說：「兩個都唔救就解決咗最大嘅問題。」

七師傅帶同幾枝孔雀羽毛到林作媽宅，首次與七師傳見面的林媽，她形容對方是「失散一世嘅妹」，七師傅指林作就算不要媽媽的身家都要跟裕美一起，林媽即說：「咁我捐出去喇！」七師傅表示：「你可以捐畀我，因為我有個佛堂。」林媽答應說：「交畀師傅打理，師傅起碼保我身體健康。」她還希望七師傅做她的新抱，七師傅尷尬笑說：「我今日嚟幫你哋解決家庭問題，變成我同你個仔相睇﹖」

{{hket:inline-image name="5.jpg"}}{{/hket:inline-image}}

其實七師傅竟然瞞著林媽為她和裕美安排世紀飯局破冰，又建議裕美親自下廚煮一道「咕嚕肉」，當裕美出現後，飯局變成僵局， 林媽一眼沒有望過裕美，七師傅向林媽問道：「你唔鍾意佢啲咩﹖」林媽說：「總之唔合眼緣，我覺得我個仔係應該搵七師傅呢種。」七師傅叫裕美夾餸給林媽，林媽即說：「唔使，我減肥，已經唔食（咕嚕肉）都飽喇！」林媽強調要做她的新抱，要大家聊得來，不要在外面有那麼多緋聞，認為兒子要找一個......，話未說完，裕美已忍不住激動說：「總之要個條件好，心地差都冇關係，你帶出嚟有頭有面，就係咁簡單，我講嘅係事實，你話一句『係』咪得囉！」之後續說：「唔好意思，我真係覺得好委屈！」林媽向林作出聲：「我唔該你唔好爭外人，唔爭自己人，邊個生你﹖」本想說話的林作，被裕美搶著說：「咁又係，你應該要孝順你媽媽嘅！」林媽繼續向林作說：「女人可以有100個、10個，老母得1個，你要記清楚喎！七師傅，你講吓嘢！」此時，七師傅突然雙手合十不停唸經，事後七師傅解釋：「我唸嗰本經嘅名叫『難唸的經』，每一家都有一本嘅！」林媽最後想搵人趕正掩面痛哭的裕美離開，裕美不甘再受辱，只好氣慎離場。

【世紀難題】 林母被阿仔踩孤寒抬高女友 敵視裕美望林作翻撻麥明詩?【下一頁】

{{hket:inline-image name="31.JPG"}}{{/hket:inline-image}}

{{hket:inline-image name="30.JPG"}}{{/hket:inline-image}}

最後，七師傅認為不能即時改變她們的關係，但可以用吸引力法則，以合成照來讓裕美、林作和林媽黏在一起，不少網民紛紛留言：「林作真係要對cfu（師傅）好啲，唔可以打人嘅cfu（師傅）都為你破咗戒。」、「比我想像中更膠更好笑」、「林作媽同裕美同枱餐飯嘅篇幅真係太短，睇成晚就係等睇婆媳大戰，不過見到林作媽個樣黑到......應該好多難聽說話唔敢出街，俾返個面當時人，裕美爆左句，林作老媽罵裕美係「雞」，真係呆左，個節目都幾勇幾大膽，大家就係想睇呢啲。」

撰文：黃曉妍

同場加映：劉青雲古天樂郭富城三大影帝 拍攝《掃毒3》因疫情遇波折

{{hket:ul-video id="3894"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】