MARVEL電影首位香港女演員｜陳法拉參演《尚氣》索爆踏紅地氈 被老公曬濃妝大頭照輸畀素顏？

下月2日在港上映的《尚氣與十環幫傳奇》（Shang-Chi and the Legend of the Ten Rings），係Marvel電影宇宙首次集合全亞裔陣容演出。當中有兩位知名香港演員，包括梁朝偉「徐文武」與陳法拉「映麗」，飾演男主角「尚氣」父母。二人於林中大擺功夫姿勢，似係比試又似練武，仲有深情對望的畫面。觀眾熟悉嘅面孔除咗梁朝偉同陳法拉，仲有楊紫瓊、劉思慕同Awkwafina等，嶄新題材同演員組合令人非常期待。

{{hket:inline-image name="212695332_486046529155060_5700126723484310539_n.jpg"}}{{/hket:inline-image}}

今日（17日）電影在美國洛杉磯舉行全球首映禮，不過偉仔未有出席。至於陳法拉就穿上紅色晚裝現身，受訪時難掩興奮：「對於今次首映禮感到好神奇，大家很久冇聚在一起，有種好似見到屋企人感覺。」法拉形容戲中嘅角色係一個堅強嘅女人，透露當時花上數個月時間接受訓練，很辛苦，亦難以忘記。佢又提到做初次為人母嘅感受：「兩年前拍戲時我首次飾演一個母親；兩年後我誕下BB女，佢而家已經6個月大，呢部戲喺好多層面上都改變咗我人生。」

法拉於頒獎禮上光芒四射，一襲紅裙盡展美好身段，一啲都唔似生完B半年嘅媽媽。而咁重要嘅日子當然唔少得法拉老公Emmanuel啦！Emmanuel喺佢嘅社交平台「打卡」，留言:「Not the first time, not the last time I’ll say that: so proud!!!I love you!（唔係我第一次，都唔會係我最後一次講：『我為你（法拉）感到驕傲，我愛你』）」法拉平日都好樸素，多數以素顏上陣，好少濃妝艷抹；不過今日佢就尊重場合化上全妝，遠睇非常sharp！不過喺老公post出嘅大頭照中就有少少顯老。唔知係咪睇唔慣，唔少網民都話女神係素顏最靚：「天生麗質，咩都唔化反而係最自然最好睇。」、「好少人素顏靚過化妝！」等等。

陳法拉成首位參演Marvel電影嘅香港女演員，入行初期唔識講廣東話，亦從來冇學過演戲，演員之路一啲都唔易行。陳法拉於2004年獲得紐約華裔小姐冠軍，翌年參選國際華裔小姐並奪得亞軍，隨即簽約無綫電視踏上演藝之路。入行後陳法拉獲得不少演出機會，先後在《法證先鋒》、《溏心風暴》、《金石良緣》、《巾幗梟雄之義海豪情》等重頭戲演出，漸漸打響知名度，成為當紅花旦，與鍾嘉欣、胡杏兒、楊怡、徐子珊被外界稱為2010年代無綫「五大花旦」。

2014年陳法拉於事業高峰期選擇離開無綫，前往美國紐約修讀紐約茱莉亞學院戲劇碩士課程。四年求學之路，陳法拉以「順其自然」去概括，佢表示自己並冇刻意去計劃，只係跟隨直覺與內心聲音，遇見進修嘅機會就決定放下一切去追夢。畢業後陳法拉留美發展，曾參演HBO迷你劇《The Undoing》與影后妮歌潔曼有對手戲；又自導自演微電影《人來人往》，獲得辛丹斯電影節肯定。

同場加映： 劉青雲古天樂郭富城三大影帝 拍攝《掃毒3》因疫情遇波折

{{hket:ul-video id="3894"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】