馮寶寶與謝賢相隔半世紀續片緣 嗌四哥做爹哋：佢剪影仲咁有型

馮寶寶（Bobo姐）前年「出山」與老拍檔謝賢（四哥）合作，接拍由林家棟監製、高子彬執導的電影《殺出個黃昏》，是兩人相隔60年後再次合作。因為疫情關係，身在馬來西亞檳城的Bobo姐未能親身返港為電影宣傳，日前她透過Zoom視像「隔空」接受訪問，66歲的Bobo姐，性格鬼馬，笑言跟四哥「相隔半世紀」的合作，可以去申請健力士世界紀錄。

{{hket:inline-image name="75.JPG"}}{{/hket:inline-image}}

84歲的謝賢魅力沒法檔，馮寶寶為他「出山」拍戲。（《殺出個黃昏》照片）

{{hket:inline-image name="67.JPG"}}{{/hket:inline-image}}

馮寶寶趕上潮流，喜歡P圖變靚自己而不失自然。（大會發相）

殺出個黃昏丨謝賢素顏除黑超演殺手做男主角 激罕露真面目全因信任呢個人 【下一頁】

童星出身的Bobo姐，5歲時第一次與四哥拍電視劇，飾演其女兒，是故Bobo姐會叫他做「四哥Daddy」，亦十分敬佩對方的專業精神：「今次再見四哥，佢依然係腰身挺直，手臂同胸肌都無下垂，好結實！行出嚟嘅剪影依然咁有型，佢唔係單純貪靚，佢同我講一生人只做過一樣工作，好後生已經做男主角，佢要對得住呢份職業，要keep住身型咁先對得住觀眾。」

Bobo姐「出山」全因被四哥吸引，稱雖是同一個年代的演員，卻非同輩，所以今次拍攝《殺出個黃昏》可以陪四哥「再跑一圈」十分難得，「拍完戲之後，我同家棟講，可唔可以申請健力士世界紀錄？因為好少可兩個演員相隔60年可以健康咁合作，仲未死……而且仲係男女主角！」

戲中Bobo姐與賈曉晨有一幕婆媳大戰，現實中Bobo姐有兩名兒子，對於婆媳糾紛，她對囝囝有信心，笑稱︰「希望我個仔識揀啦！」她自有做奶奶的一套方法，「新抱唔識得尊重我，咁不如我避開……同埋如果我個仔咁鍾意佢，我亦無謂傷大家感情，離間個仔嘅夫妻關係。」戲中她有鬧人的戲份，笑言比拍動作片還辛苦，「鬧到冇氣！好攰，所以現實生活中嘅我係唔會發生呢啲事。」

《殺出個黃昏》好評如潮，林家棟有意開拍前傳，Bobo姐屬意哪個女演員演其年輕版？她笑謂︰「如果可以美圖、修圖，不如自己來演！」有人提議前傳搵謝霆鋒演四哥，Bobo姐反對說：「我要黐住四哥先拍！」受訪時，她突然拿出自己在經典電影《92黑玫瑰對黑玫瑰》中的「掌門鈴」出來，「呢個掌門鈴係我喺一次旅行途中見到，所以將佢買返嚟，今次係我第一次用Zoom接受訪問，其實我都唔知係乜嘢，仲特登整咗好靚嘅tea set喺枱面，放埋個掌門鈴嚟做裝飾！點知原來鏡頭影到咁近，真係乜嘢紋都睇晒！」

撰文：衛紫敏

同場加映：劉青雲 古天樂 郭富城三大影帝 拍攝《掃毒3》因疫情遇波折

{{hket:ul-video id="3894"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】