Mirror登《紐約時報》│姜濤Alton謙言唔敢認成功衝出亞洲 阿Dee最怕粉絲跟埋去廁所聞到...

人氣組合Mirror成為全城熱話，連《紐約時報》都有報道他們的消息，可謂成功衝出亞洲，為港爭光！Mirror成功搶盡各大品牌的廣告代言工作，今日姜濤、Alton王智德聯同ERROR成員何啟華阿Dee出席一個公開活動，吸引幾百粉絲圍觀支持，場面非常熱鬧。姜濤參演的台劇《超感應學園》在當地大受歡迎，吸引台灣傳媒亦有到場採訪，姜濤的國語當然流利無問題，但阿Dee全程講「港式國語」，搞笑程度令人噴飯！

姜濤夠膽焫焫焫焫著Anson Lo 教主被上載崩壞照：想開戰？【下一頁】

{{hket:inline-image name="d4cf7fd9-2cb4-4ac1-81e0-b196c4ae3c5b.jpg"}}{{/hket:inline-image}}

阿Dee笑言：「現在多了很多粉絲，出街的時候有點麻煩，例如去廁所，怕他們也會進來廁所，聞到我的氣味，那些氣味叫做人氣！」而Alton稱前幾日去食米線，早已放棄堂食，但等外賣時都被認出來，「所以到現在都未有機會進食……」因為疫情令姜濤未能去台灣宣傳偶像劇，問到會否希望出國跟各地粉絲見面，姜濤展示自己的標準國語說：「是不是世界各地都有粉絲？不太肯定，但我們每個人都想出國，因為兩年沒出國，等疫情穩定下來，無論Mirror或
Error都希望可以出國。」身旁的阿Dee說：「你說得很好，你很像台灣人呀！很好很好！」

提到Mirror登上《紐約時報》，姜濤稱非常開心，沒想過有這個機會，會繼續努力，不會辜負眾望，他用廣東話表示︰「衝出亞洲唔敢講，但呢個一直係我哋目標，會繼續朝呢個目標進發。」Alton說：「好驚喜！有時諗隔咁遠都有人知道我哋存在，到底我哋係咪未ready去到咁遠呢？疫情已經咁耐，我哋真係準備好隨時出發，去邊都好！報道寫Mirror為香港帶來歡樂，其實係互相嘅，大家話我哋土生土長，帶來歡樂，其實你哋亦令我哋好開心。」夾在中間的阿Dee未能回應，大感尷尬，亂說一通，「我……我未（衝出國際）囉！我代Anson Lo答，多謝。好酸囉我……下一題啦！（Error想衝去邊？）每朝起身返工都係衝去爭廁所先。」

Anson Kong與Anson Lo@MIRROR為陳慧琳MV伴舞 鏡粉開心發現：件事好勵志【下一頁】

阿Dee是今日活動Error的唯一代表，照樣有大批粉絲支持，玩遊戲時同一位姨姨耍功夫而贏出比賽，他說：「Fans方面我係通殺呀，咩年齡層都有！今日Auntie上嚟玩功夫幾開心，我係親民類型，（最細Fans幾多歲？）最細係未出世，因為有啲Fans係媽媽，佢同我講佢肚入面個女係『雯雯』（Dee粉絲暱稱），仲未出世……其實都有好多三、四歲，喺屋邨扮不死鳥，大叫不死鳥，然後怒奔……」

提到姜濤近日在IG上載隊友Anson Lo的崩壞照，引來Anson Lo反問「是否想開戰？」互爆，姜濤說：「冇所謂，大家見到我哋最核突一面，咁都幾好，咁以後有核突嘅一面，大家就會接受到。（係咪冇偶像包袱？）希望以後可以冇……都係唔好Po相住。」

同場加映：【娛樂直擊】Mirror登《紐約時報》│姜濤Alton謙言唔敢認成功衝出亞洲 阿Dee最怕粉絲跟埋去廁所聞到...

{{hket:ul-video id="3934"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉