由吳君如監製及主演的電影《媽媽的神奇小子》於上周四放映，票房已錄得逾500萬元。君如日前接受鄭裕玲（Do姐）主持的《口水多過浪花》訪問，原來兩人自2019年1月30日獲邀在星光大道出席打手印儀式活動後，就沒有再見面。
提到女兒陳是知已經15歲，君如說：「反叛喇！佢睇美劇多，好有主見，唔可以話人肥、唔可以話人矮、唔可以話人瘦，人係好獨立嘅個體……佢哋有好多呢啲理論。佢而家好迷美劇，然後佢每晚強迫我陪佢睇啱佢睇嘅嘢。」Do姐大讚兩母女仍有互動。
媽媽的神奇小子｜吳君如演殘奧金牌得主蘇樺偉媽媽 成功捕捉神髓獲真身肯定：照鏡呀！【下一頁】
Do姐在節目中突然想起與君如、楊紫瓊、張曼玉、張敏、關詠荷和陳思行（前名：陳加玲）主演1993年的電影《武俠七公主》（王晶執導），她表示除了君如、關詠荷外，其餘都沒有結婚和生小朋友，又指君如不似會結婚的人，君如說：「冇計啦！因為有咗，又唔係生咗（小朋友）先結婚。我哋（與陳可辛）係1997年開始，2017年慶祝過20周年相識。」而關詠荷在2003年與張家輝結婚，2006年誕下女兒張童。
至於其他女演員的感情生活，Do姐與甘國亮、呂方先後分手，至今仍是單身；楊紫瓊1988年與潘迪生結婚，1992年離婚收場，在2004年與前法拉利總裁Jean Todt相戀。
至於張曼玉在1999年與拍拖不足兩年的法國籍導演Olivier Assayas結婚，可惜維持3年就離婚，在2007年與比她細7年的德籍建築師Ole Scheeren相戀，但於2012年分手，至2014年與年輕15年的前香港樂隊Audiotraffic主音、中英混血兒Adrian da Silva拍拖，但不足一年被男方拋棄。而有傳張敏與前經理人劉永輝秘婚，但遭她否認。陳思行現時與法籍男友Kewin相戀，2019年接受訪問時，她表示仍是熱戀階段，暫未有結婚打算。
節目中，君如大讚Do姐仍然keep得好fit，Do姐說：「因為要拍戲，個個都咁瘦，張曼玉、楊紫瓊，我哋拍《武俠七公主》真係唔對路，個個都咁靚。」拍攝這齣古裝武打片，張曼玉只有4組戲，Do姐說：「嗰陣時個個都好忙，但最忙係佢，因為佢有幾齣戲喺手，王晶就話『你平時蒙面，一有事先揭開塊面紗』（意即蒙面時可找替身演出），所以佢4組就可以拍晒。」君如笑指Do姐亦有「鄭九組」稱號。
《倚天屠龍記》重拍勾起經典一幕 張敏尤物變中性美 感情生活成謎【下一頁】
談及拍電影，君如表示聽到有個傳聞，如要邀請Do姐拍戲，要有完整劇本，「你就揭揭揭，揭完劇本，吓？我得嗰4頁﹖」Do姐立即澄清：「係咩？冇，邊有劇本呢！黐線，嗰陣時最叻就係得個故事大綱。」君如表示當年甚麼戲也會接，Do姐說：「搏殺期吖嘛！大家都明白㗎啦！」君如說現時一定不會接沒有劇本的電影，「而家啲戲一定有劇本，去到6、7稿先夠膽畀演員，仲要問過娘娘畀唔畀，要擲過聖筊！香港電影越嚟越少，同埋要計錢，如果冇完整劇本，點計？」
Do姐問君如，拍戲是否需要寫很多情節，拍了出來後再刪剪﹖君如表示：「梗係會啦！因為有啲導演好硬頸，一定要拍好多場面……呢啲咪等監製同佢周旋，『大佬呀，你要講中心思想先得，成部戲嘅骨！』於是我就話自己拍咁多戲，都好多經驗，有時太貪心，（故事）太多枝節，究竟跟得邊個（意見）呢？」Do姐笑問是否要反枱﹖君如笑說：「唔會！佢（導演）但求開得成（齣戲），唔會反枱。」
周潤發獲頒授浸大榮譽博士學位 白髮示人：好多謝香港呢個地方【下一頁】
談及《媽媽的神奇小子》一片，君如表示仍有好多人歧視殘障人士，「戲入面有句對白『個仔都行唔到，你仲強迫佢行，你係咪人嚟㗎﹖』啲人會指住個阿媽鬧，『你前世都唔知做咗啲乜嘢，會生個咁嘅仔。』我又唔明，關你乜嘢事啫﹖又唔係你生。」Do姐亦大罵這些人不負責，適逢殘奧快將舉行，她希望大家支持香港殘奧運動員，表示：「所以唔好話要贏在起跑線。」君如妙答：「你咪贏在起跑線囉！人又靚、又叻。」Do姐接著說：「你真係改變咗，吳君如！你以前講嘢冇咁客氣㗎喎！老咗真係唔同。」君如笑指自己現時「人老精」，「我而家口甜舌滑咗，唔係……你真係贏在起跑線，你有讀書，你靚、你高、你瘦！」
君如𠱁得DoDo哈哈大笑，君如繼續說：「你又身材好，咁佢哋（其他女演員）真係輸在起跑線嘛！」君如坦言《媽媽的神奇小子》不是要令觀眾喊，其實是想帶給大家快樂，「呢兩年香港有好多人好唔開心，希望大家有自癒能力，望住終點就知自己想要乜嘢，好似你咁囉！連發哥去攞『博士』，都要講你。」Do姐隨即「扮」扯火，「好有鬼用呀？又唔上嚟，叫咗佢（周潤發）上嚟接受訪問10年喇，嬲呀！」
《媽媽的神奇小子》主題曲由人氣組合MIRROR成員Jer主唱，君如又指MIRROR演唱會一票難求，「我好辛苦搵高層幫手先買到4張飛，跟住仲話冇日子揀，到時開騷嗰幾日先話我聽。」Do姐聞後再扮氣憤，「有冇搞錯！一於開套戲，搵佢哋12個嚟做！」君如即說：「開《12金鴨》！」
撰文：黃曉妍
同場加映：【娛樂直擊】Mirror登《紐約時報》│姜濤Alton謙言唔敢認成功衝出亞洲 阿Dee最怕粉絲跟埋去廁所聞到...
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】