【聲明】港生活網站並無進行電話推廣活動

自爆闖影圈收入減少 姜濤為角色學踩單車

發佈時間: 2021/08/19

男團MIRROR「人氣王」姜濤昨日與隊友王智德(Alton)及ERROR成員何啟華(阿Dee)出席活動,吸引數百名粉絲到場支持,場面墟冚。即將與毛舜筠和隊友柳應廷(Jer)拍攝電影的姜濤,被踢爆為新片才剛學識踏單車,他尷尬表示︰「22年嚟都無踩過單車。」

姜濤、王智德及何啟華昨日到尖沙咀出席「可口可樂飲樂起勁見面會」,為睹偶像風采,有粉絲清晨四時已到場霸頭位;三子出場時,全場尖叫聲不絕。三子在台上分別與女粉絲玩遊戲,姜濤更與粉絲派心心及擺出心形甫士,但最後「羊群」(阿Dee粉絲)的尖叫分貝以一分之差擊敗「姜糖」(姜濤粉絲),阿Dee受訪時笑言︰「我啲粉絲平時有練開獅吼功。」提到姜濤擺甫士時一臉尷尬,姜濤解釋︰「我無諗過出道三年派心派到依家,所以有啲怕醜,但都好開心有粉絲同我一齊做。」

談到將與隊友柳應廷拍電影,姜濤透露為準備拍攝,最近少接了其他工作,問他收入減少可有肉赤?他說︰「都OK,都夠。」Alton即笑指︰「佢生活重點唔係錢,最重要係靚仔有型。」阿Dee則大爆姜濤剛學會踏單車,姜濤表示︰「因為套戲我要踩單車,噚晚(前晚)終於學識,我22年都無踩過單車,又無朋友同我一齊踩。(今次有人教你踩?)本身叫朋友教,但踩踩下自己都識。(約女仔踩單車?)未車得人,遲啲先。」

阿Dee護保錡證心情無損

日前姜濤在社交網上載隊友盧瀚霆(Anson Lo)的「浮屍醜照」,他強調對方沒有嬲︰「如果嬲就唔會repost(轉發)啦,我都驚佢嬲,所以之後有私下問佢。」此外,MIRROR早前登上美國《紐約時報》,姜濤表示︰「好開心,可以畀亞洲以外嘅人認識到我哋。」不過阿Dee就大呻︰「無ERROR份唔開心囉,我哋都為香港人帶嚟好多歡樂,可能我哋去到冰島、伊朗先有份。」問及隊友吳保錡近日的桃色新聞時,阿Dee即維護說︰「非常信任佢。(佢心情點樣?)好好呀,正常,問心無愧。(佢有無同你提過呢件事?)無呀,無嘢回應。」

採訪︰倪小珊

美術︰梁政敏

攝影︰林良明

自爆闖影圈收入減少 姜濤為角色學踩單車

(左起)Alton、姜濤及阿Dee出場時,台下尖叫聲震耳欲聾。

自爆闖影圈收入減少 姜濤為角色學踩單車

姜濤與粉絲玩遊戲時擺出心形甫士,但他一臉尷尬。