聲夢飛行｜張寶兒首做演唱會服裝指導捱批 經理人撐態度專業：學員著得開心

《聲夢傳奇》歌唱比賽上個月完滿落幕，大熱的炎明熹得到三個獎成為大贏家。15位《聲夢》學員連月來表現出色，吸納了不少粉絲支持，TVB承接氣勢，舉辦《聲夢》畢業演唱會。張寶兒（Bowie）獲邀為15位學員擔任形象設計，不過佢嘅表現就未獲得一眾網民欣賞，狠批佢製造大型「時裝災難」，認為張寶兒仲未夠班做服裝指導。服裝安排不當仲令蝦碌情況出現，其中一名學員Hugo唱歌期間外套衫袖突然出現一大抽價錢牌，非常尷尬。

{{hket:inline-image name="237077722_554156235724641_3896589114850430430_n.jpg"}}{{/hket:inline-image}}

品味被質疑，張寶兒今日（19日）不停喺社交平台上載台前幕後的靚相，又發長文寫下自己感受，並自我表揚，為自己打氣；佢又自爆動用了母親的私伙皮褸及老公袁偉豪的褲，表示一個人為15個星夢學員諗造型真係非常唔容易咁話。張寶兒逐一點評15位聲夢學員，分析過各人嘅性格特點，再為佢哋揀選舞台上嘅服飾。

當中張寶兒提及冠軍炎明熹着嘅其中一件皮褸，原來是張媽媽的珍藏；又講到老公袁偉豪喺尾場睇騷時發現台上的Archie着自己舊褲「剷地」，原來張寶兒未經老公同意就借出私伙衫。

張寶兒有冇時裝觸覺真係見仁見智，不過睇嚟佢自己就好滿意，而搵佢幫手做服裝指導嘅經理人都開聲為張寶兒「平反」：

令到Bowie受委屈
佢唔覺，我自己都覺
16位（《聲夢》15位學員以及Bowie）都係我負責的artist
要公平，唔可以因為幫緊15個就犧牲1個
所以我要大平反

我選擇同邊d（啲）人合作有一套準則
唔理taste（品味）如何，就算你啲嘢係最靚但合作態度又差又唔專業我都係唔會揀

雖然造型喜好可能會各花入各眼
Bowie態度絕對係一流專業
出心出力
每一件衫如果唔係學員著得開心，佢都唔會逼佢著
仲有無論邊個單位覺得唔好
佢都會想辦法去改進，balance（平衡）各方面的喜好

之後佢再補充，力撐張寶兒指冇嘢係咩時候最靚，話一套衫台上靚唔代表台下都靚，同人一樣，冇咩可能零死角咁話。好多張寶兒嘅粉絲都撐佢，仲有唔少《聲夢》學員都留言表示自己好喜歡佢幫自己設計嘅造型，話好希望可以再次同對方合作呀！而老公袁偉豪都留言支持：「唔係容易，加油寶寶！」有自己愛嘅人撐，咩都夠啦！

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】