古天樂傳授193@ERROR五「識」秘技 193接Job唔停認儲夠首期「上車」

古天樂（古仔）與ERROR成員郭嘉駿（193）出席護膚品牌活動，大批「老婆」（193粉絲稱號）逼滿商場支持「老公」。古仔在活動上向193傳授「5識秘技」，包括「識包裝」、「識人」、「識做人」、「識保養」及「識收工」；出名有急才、腦筋轉數快的193，就話最緊要「識古仔」：「識古生就有神庇佑，有古生就feel到自己會大紅大紫！」

{{hket:inline-image name="55.jpg"}}{{/hket:inline-image}}

古天樂與ERROR之前已有合作拍廣告，今次193更獲邀「單拖」與古仔出席活動。（《晴報》林良明攝影）

{{hket:inline-image name="56.jpg"}}{{/hket:inline-image}}

193搭實古天樂膊頭，好熟咁喎！（《晴報》林良明攝影）

阿Dee@ERROR生日丨過百fans搞慶生疑違反限聚令 31歲何啟華遭警方查問掃興 【下一頁】

兩人落足嘴頭sell產品，193笑言用該產品浸浴，豪言：「咁你就知我幾有錢啦！」古仔取笑他：「唔怪得話佢『大支嘢』！」講到男神的護膚秘技，古仔則說自己平時很注重健康，亦有斷食的習慣十多年；平日他只食一餐，拍戲時甚至會忘了肚餓，只會飲水，見到工作人員吃東西會行開，免被吸引。

193曾說，現在他一個Job的酬勞足夠買20對限量版波鞋，吸金能力與日俱增，並說有意買「磚頭」，觀乎ERROR的工作量，相信193「上車」在望。他表示未知今年收入實際有多少，但心中有數。身家暴漲的他說︰「自己都有做小生意，都賺到少少錢……」認為做藝人需要多線搵錢，事關花無百日紅，「做呢行嘅壽命真係唔知幾耐……可能突然間聽日變咗吳亦凡，邊個會知道？我意思係起伏可以好大，所以能夠搵錢嘅時候就搵咗錢先！」

193目標清晰買「磚頭」，全因租樓等同幫人供樓，他說：「要盡快買樓，就算買細細間都好，而家夠首期嘞！」他說未夠錢住豪宅，「買到劏房已心滿意足，唯一條件係近公司，最緊要近公司……但聽講公司要搬，所以我要睇定啲，睇定啲公司搬去邊先買樓！」

ERROR之前和古仔拍廣告，原來私下193亦有向古仔請教搵錢之道，「佢真係教咗好多嘢畀我哋，畀好多做呢行嘅意見我哋，好有用，好提攜後輩。古生有睇我哋節目，講咗啲需要改善嘅地方，點樣可以持續發展？唔係爆紅就得，維持到人氣先係重要！古生係鏡頭前後都袋錢落我哋袋。」咁點報答古生？193笑言：「我都好希望可以去古生屋企幫手換燈膽，你知佢屋企咁大，換燈膽都換足幾個月。」

撰文：衛紫敏

同場加映：【娛樂直擊】MIRROR登《紐約時報》│姜濤Alton謙言唔敢認成功衝出亞洲 阿Dee最怕粉絲跟埋去廁所聞到...

{{hket:ul-video id="3934"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

急call白車｜鄺文珣細女誤將膠珠放鼻窿送院 老公憑Father's Kiss救前世情人【下一頁】