【聲明】港生活網站並無進行電話推廣活動

被偷拍感困擾 陳卓賢歡迎粉絲主動集郵

發佈時間: 2021/08/20

人氣男團MIRROR成員陳卓賢(Ian)、江生(AK)及楊樂文(Lokman)昨日到尖沙咀出席運動品牌活動,吸引數百個粉絲到場支持。早前Ian被途人偷拍,他為此事發文訴苦,AK及Lokman亦感同身受,三子均表示希望大家主動要求合照。

MIRROR各成員最近頻頻出席商演活動,問三子是否賺了不少?隊長楊樂文表示整體環境較之前好,希望各隊員都有更多工作,陳卓賢則指自己和其他隊員賺的都差不多,江生即笑他︰「係咪即係搵夠啦?」此時Lokman和Ian同聲大爆AK賺得最多,要求他請食飯,AK笑謂︰「早餐都OK嘅,貴啲就請唔起!」問三子收入增加,可提早達成置業夢想?他們均表示希望能盡快成事,Ian說︰「始終我哋呢一代由細到大都覺得買樓好遙遠,一直都追唔到樓價。」

Lokman唔敢掀衫抹汗

另外,Ian最近因在街上被途人偷拍放上網,令他忍不住在網上發長文大呻,他昨日再解釋︰「其實被偷拍係有少少唔開心,因為自己比較低調同怕醜,由細到大都怕去人多熱鬧嘅地方。其實大家可以主動走埋嚟同我打聲招呼,要求合照都無問題,我係開心嘅,但係同家人朋友食飯嘅時候就唔希望被人偷影。」熱愛運動的Ian又表示,以往閒時會到屋企附近的球場打波,但最近擔心被偷拍,所以已沒有再去。

AK對Ian表示︰「咁你不如唔好買樓,索性買個球場打波啦。」不過AK坦言若遇上途人偷拍,自己亦倍感壓力,「如果工作以外嘅時間有人偷影,嗰下就會即刻回復工作狀態,成個人緊張起嚟。」Lokman同樣感同身受,他透露自己以前在公開場合打波,會拉起衣服抹汗,但現在要顧及形象;他又坦言若被拍到醜照,會被經理人黃慧君(花姐)訓話。

採訪︰Pauline

美術︰梁政敏

攝影:林良明

被偷拍感困擾 陳卓賢歡迎粉絲主動集郵

AK(左)和Lokman(右)今日推出全新歌曲《虎道門》,Ian已先睹為快欣賞MV。