黃澤鋒2歲女兒小黃妃愛上姜濤？養家唔等如做大爺 照幫手做家務

黃澤鋒和太太陳麗麗帶著女兒「小黃妃」黃熙恩，現身好友黃婉曼主理的購物平台，Live節目中，原本重點是黃澤鋒一顯「住家男」的廚藝，但就被女兒搶曬鏡！只見媽媽用手機播歌，囡囡愛歌竟是人氣爆燈的姜濤代表作《蒙著嘴說愛你》，2歲旳她未懂得跟著唱，亦會跟著音樂拍子手舞足蹈，姜濤又多了一個「小姜糖」粉絲嘞！

{{hket:inline-image name="06.JPG"}}{{/hket:inline-image}}

小黃妃愛姜濤，黃婉曼專登喺手機搵張姜濤相氹佢。（大會發相）

{{hket:inline-image name="08.JPG"}}{{/hket:inline-image}}

黃澤鋒兩公婆想幫小黃妃搵個伴？（大會發相）

《搵陣》︳53歲黃澤鋒有望未來2年再生B 蘇民峰指十年運已過副業變正職 【下一頁】

慶幸爸爸在小黃妃心目中的地位仍未失寵，多次攬著爸爸錫錫，跟媽媽製作「茶碗蒸烏冬」，見到完成品時，小黃妃更急不及待試食，一臉滋味好可愛。黃澤鋒笑言囡囡是他的「剋星」，「我都冇佢符，佢凌駕於我，對我發爛渣我都冇所謂。」既是暖爸又是住家男，放工回家會「自動波」為太太分擔家頭細務，他說：「而家世界唔同咗，唔係話返屋企要老婆服待，我哋50幾歲先有小朋友，太太好偉大，佢照顧家庭、湊女好辛苦，做男人嘅唔係話賺錢返嚟就做大爺！」

黃澤鋒分享夫妻之道，認為一段關係要互相體諒才會長久，照顧小朋友亦是學問，「即使有小朋友，父母都唔好以為請個姐姐（外傭）返嚟就搞得掂，父母要全心全意一齊去照顧，好好教育小朋友。」他希望囡囡健康成長，做一個好人，努力讀書，「佢讀到幾多書都供佢，讀書好緊要，辛苦十幾年，以後享受幾十年，讀好書將來可以搵份好工，前途都好啲。」本身是游泳教練的他笑說︰「都想培訓囡囡㗎，希望佢對游泳產生興趣，未來成為『女飛魚』。」

太太生囡囡時是52歲高齡產婦，黃澤鋒覺得當年成功「造人」，全靠多年來keep住運動保持健康，對於「再追一個」的問題採取順其自然的態度，「再生係想阿女有個伴，我同太太而家堅持做運動，希望長壽啲，陪阿女耐啲……將來就算熄燈（離世）都唔想令阿女負擔咁重。」

撰文：衛紫敏

同場加映：愛回家│Liza召集同鄉開Party為高小姐沖喜 利愛安化黑皮膚扮外傭閃現15秒 【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

七公主｜「暖男」吳子冲疑戀老師黃翠如 真·劍擊王子苦練20年終派上用場 【下一頁】