偷偷落淚丨周柏豪低調生B後見傳媒感激太太 家姐芯悅冇呷醋仲留奶奶畀細佬

周柏豪與太太Stephanie在2016年結婚，婚後三年誕下女兒周芯悅（Sonya），榮升父親的他閒時會將女兒日常上載至社交平台，Sonya今年1歲半。本周二（17日）周柏豪突報喜訊，原來Stephanie秘密誕下重7.5磅的囝囝，湊成一個「好」字；周柏豪在IG上載三張相片，與Sonya出世時一樣，全程遮樣，只見弟弟頭髮濃密。周柏豪今日在IG再上傳一張捉住Sonya手仔的溫馨照片，留言說：「乖乖你已經做得很好了。」

{{hket:inline-image name="5.JPG"}}{{/hket:inline-image}}

{{hket:inline-image name="18.jpg"}}{{/hket:inline-image}}

大女芯悅1歲半│周柏豪突爆添丁生仔湊夠好字 「聲音洪亮級數也能媲美姐姐」【下一頁】

今日周柏豪在醫院見傳媒，表示：「最主要原因係疫症，少咗出街，大家冇見到我哋，同埋屋企老人家覺得小朋友出咗世先同大家分享，盡量低調，怕小器……我哋要去配合番啲大人，最緊要長輩開心，小朋友健康，咁就ok！」指今次生B是計劃之中，他自覺很幸福、很知（滿）足和很感恩，續說：「（太太）生嘅時候，我喺產房冇喊，上次（第一胎生女）就有；今次靜落嚟嘅時候，經歷咗漫長嘅一日，好攰，好擔心……最後喺夜晚，自己偷偷哋喊咗一陣間，太太都唔知，係感恩嘅眼淚。所有人都好錫我哋，同太太做到我哋嘅夢想，又見到家姐（Sonya）好生性，又唔會特別扭計，好感恩。」

提到再次入產房的感覺，周柏豪說：「今次冇上次咁驚，同埋熟習咗流程，個人會有所準備，好彩有綵排過，所以所有嘢都可以好好去enjoy，好順利！」談及太太既要照顧Sonya和初生BB，又要照顧家庭，柏豪笑說：「冇呀，冇特別同佢講（感謝說話）！佢已經好忙，兩個鐘餵一次奶，佢又唔係瞓得咁好，所以喺醫院好少同佢坐低講嘢……但係明㗎喇！我同佢已經好多年，大家有晒默契，唔需要講啲乜嘢。當然太太係最辛苦，親戚嚟到第一件事就係問候太太，好感恩大家咁錫佢。」

{{hket:inline-image name="13.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

{{hket:inline-image name="16.jpg"}}{{/hket:inline-image}}

{{hket:inline-image name="17.jpg"}}{{/hket:inline-image}}

公關災難丨周柏豪鄭融獻唱《一事無成》打氣 失業人士沮喪：點解仲要諷刺我【下一頁】

周柏豪指Sonya的反應令他十分感動，「好多朋友提醒我，家姐會呷醋，會變得好曳，成日扭計，我都有小心。因為Sonya好鍾意BB，早半年同家姐講，我哋送個BB畀你，佢就好開心；17號太太生嗰日，阿女帶晒啲玩具嚟，話要送畀弟弟，臨走嗰刻好唔捨得媽媽，媽咪問佢使唔使過嚟食奶奶，佢擰頭話唔使，跟住佢話畀BB……嗰刻我覺得開心。」至於改名方面，他表示會找堪輿學家協助。還會追第三個小朋友嗎？周柏豪笑稱：「差唔多喇！真係會攰，兩個已經好知足、滿足。」

撰文：黃曉妍

同場加映：《智能愛人》丨簡淑兒性格內向怕做主持 與男友麥大力相處開心感幸福

{{hket:ul-video id="3940"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】