曾江雪妮回憶粵語片年代舊史 最怕石堅：佢內功深厚招架唔住

曾江和雪妮的演藝界生涯跨越大半世紀，曾江於1950年代出道拍攝粵語片，雪妮是1960年代武俠粵語片「一代俠女」。適逢今年是香港電影資料館二十周年，兩位影壇老戲骨，早前應好友薛家燕之邀，接受其主持的《光影夢工場》的訪問，分享從黑白片到彩色片的一些拍戲往事；家燕姐指曾江、雪妮是粵語片年代當紅的武打演員，當年紅透半邊天，「一日拍兩組」，瞓覺時間欠奉。

{{hket:inline-image name="26.jpg"}}{{/hket:inline-image}}

雪妮、曾江為香港電影資料館二十周年紀念活動擔任嘉賓，接受訪問。（大會提供相片）

{{hket:inline-image name="64.jpg"}}{{/hket:inline-image}}

曾江和雪妮演出電影《奪命雌雄劍》（1969年）。（網上截圖）

曾江偕舅甥王馨平食團年飯 與焦姣結婚25年恩愛如孖公仔 【下一頁】

回想拍戲日子日夜顛倒，曾江說：「冇得瞓不要緊，但仲要拍打戲，當年我哋冇替身㗎！全部親身上陣。」雪妮指最辛苦是一場動作戲要直落拍攝，要記熟十幾二十招招式。曾江認同表示：「一次過打十幾招，要夾好多人，做得唔好就要從頭嚟過，初頭都有體力，但當拍到20個take就頂唔順嘞！」家燕姐稱以前的演員十分不惜身，吊威也、跳彈床都是親身上陣。

現年86歲的曾江笑指年輕時候做甚麼都沒有所謂，隨著年紀增長就不可能了，「喺我心目中上咗年紀而仲得（應付自如）嘅，只有堅叔（石堅），我好怕同佢對打，佢有功夫底子，內力深厚！雪妮和家燕姐同樣感受過堅叔內功的威力，雪妮稱和唐佳結婚時，堅叔來婚宴道賀，「堅叔佢好熱情同我握手、恭喜我，而我戴戒指隻手就被佢啲內力整傷！」家燕姐則指試過被堅叔拍膊頭，膊頭就此拍瘀了，真是非常誇張。

曾江、雪妮和石堅在1969年拍攝電影《奪命雌雄劍》，兩人與堅叔有不少對打場面。曾江說︰「堅叔揮劍連環出招，有時佢會加多一招半式，我就招架唔住！」記得在2015年，曾江與謝賢在宣傳綜藝節目《四個小生去旅行》的記者會上發生「掌摑事件」，兩人反目，事隔多年後曾江表示當日「純粹係劇組安排嘅宣傳技倆」，根本無損二人友誼，但至今仍未現二人再次同場，恩怨是否化解仍是個謎。曾江近年已甚少亮相幕前，今次見他一頭白髮，臉色紅潤飽滿，精神不錯，同時需要撐著拐杖走路。

今年年初，曾江和太太與外甥女王馨平見面食飯，事後王馨平在IG分享合照，見曾江拿著酒杯；王馨平透露舅父因為要服食血壓藥而不能飲酒，他只是拿酒杯作「道具」影相。至於75歲的雪妮，於2020年宣傳劇集《踩過界II》時宣布已約滿無綫，決定退休，稱年事已高，若再拍戲擔心力有不逮，「身體健康最重要，我拍劇賺埋啲錢都唔夠睇醫生呀！」

撰文：衛紫敏

同場加映：肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手

{{hket:ul-video id="3965"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

黃澤鋒2歲女兒小黃妃愛上姜濤？養家唔等如做大爺 照幫手做家務 【下一頁】