MIRROR成員Ian（陳卓賢）、Anson Lo（盧瀚霆）、Edan（呂爵安）、Jer（柳應廷）、Tiger（邱傲然）、Alton（王智德）、Jeremy（李駿傑）今日（22日）組成「力圖隊」，為ViuTV節目《力圖打排球》進行錄影，而他們對戰的是「ERROR隊」的肥仔（梁業）、193（郭嘉駿）、Dee（何啟華）、保錡（吳保錡）加上「外援」陳宇琛、余潔滢、陳海寧、沈殷怡及陳子豐。是日雖然是排球的盛事，不過ViuTV特別邀請到香港混雙羽毛球奧運代表隊謝影雪和鄧俊文到場，除了跟鄧麗欣（Stephy）學打排球之餘，更與MIRROR對戰羽毛球。謝影雪一向欣賞MIRROR，練習時都用上MIRROR的歌曲打氣，而她心目中最愛是Jer柳應廷的歌，當隊友鄧俊文向Jer殺波時，謝影雪即時毆打鄧俊文，場面非常搞笑。
奧運閉幕禮│謝影雪鄧俊文上ViuTV節目自肥 Mirror下戰書挑戰打混雙羽毛球【下一頁】
謝影雪和鄧俊文接受訪問時表示非常開心，可以跟欣賞的組合打波，絕對是「自肥」計劃，非常興奮。提到鄧俊文向阿Jer殺波時，雪雪發脾氣，鄧俊文笑言：「我睇佢有幾鍾意阿Jer，有幾鍾意就有幾心痛！」雪雪解釋：「都係玩吓啫，如果殺中咗阿Jer，我就真係嬲喇！大家開心吓！」對於獲邀上《Chill Club》，他們異口同聲話「唔好」，鄧俊文說：「我唱歌真係唔得呀！聽歌就算啦！」Alton直言能夠跟「鄧謝配」打波感到非常驕傲，相信一輩子只有一次能夠跟奧運選手切磋的機會，絕對可以同將來子孫來炫耀。Jer是日就以新髮型示人，隊友大讚他氣質變得不一樣，Ian更認不出他。
肥仔早前在ViuTV東京奧運宣傳活動的遊戲環節中，不慎以排球打中ViuTV高層魯庭暉，今日「力圖隊」大戰「ERROR隊」打排球前哨戰時，Edan揚言要為魯庭暉報仇，肥仔慘成眾人的「箭靶」，最終下體中招慘叫。肥仔表示傷勢不嚴重，193以過來人身分笑言：「冇事嘅！我上次中死亡行星都變大咗，你今晚都會變大！」而保錡被韓子亮公開指控他私生活混亂，四圍溝女，甚至傳出有「迷姦」的事情，但女友張沛樂（沙律）沒有理會，照Po相賀七夕情人節。保錡今日首次公開露面，被問及此事時多番遊花園拒絕正面回應，隊友193出言維護：「每個人都有負面新聞，有證據就拎出嚟，無論好人定賤人都總有人抨擊。」直至問到保錡女友沙律的反應時，他Man爆話：「好開心係佢喺呢段時間，由一齊開始咁耐，都一直好支持我；反而我身為男朋友要負個責任，要做得更好，要更專注事業，令自己有成就，呢個係對佢嘅承諾。」
韓子亮暗指掌握保錡「迷姦」證據 「搶咪事件」結怨：唔驚佢告誹謗【下一頁】
Stephy回復單身後首次公開露面，她在《男排女將》後已經甚少有機會打排球，笑言自己能夠教謝影雪和鄧俊文打排球已經是一種「殊榮」；又直言重溫《男》劇的畫面都非常掛念，期待開拍續集或電影版，但要視乎MIRROR成員的檔期。「心情OK，一路都忙緊，所以都專注工作上，冇諗其他嘢，（因疫情疏離而分手？）因咩事就唔講太多囉，之前喺社交媒體要講嘅都講晒，其他留啲空間畀我哋。(維護舊愛王子唔係花心男？）我要將知道嘅嘢講出嚟，唔係事實嘅嘢我都唔想佢被誤會，（迎接新戀情？）唔知呀，哈哈，順其自然囉，一路都係工作，唔刻意諗其他，身邊朋友好緊張要介紹對象畀我。」
同場加映：【娛樂直擊】肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉