慧妍雅集師姐們│丁子田林麗薇成為地產界女強人 李姿敏買正重建柏傲莊III決定...

《2021香港小姐競選》昨晚舉行準決賽，大會今年特別邀請到歷屆香港小姐師姐到場，特別是「慧妍雅集」的會員們，除了擔任導師為佳麗們培訓之外，更悉心打扮出席準決賽，為佳麗親自評分。在節目開始前，一眾師姐都有亮相接受傳媒訪問，不少都未有選擇幕前的工作，反而各自有不錯的發展，成為成功人士。

2018年港姐季軍│丁子田甜曬巨鑽求婚戒宣布訂婚 未婚夫係富二代吳杰龍非常猛料【下一頁】

{{hket:inline-image name="34b6e8f5e986d24b63841325ac5562ec.jpg"}}{{/hket:inline-image}}

丁子田（Sara）今年4月接受男朋友吳杰龍（Paul）求婚，她穿上黑色連身裙示人，明艷照人。Sara預計明年正式舉行婚禮，但由於家人在美國生活，會視乎疫情的情況，若果有好轉的話，希望家人可以飛來香港見證她的婚禮。「我同未婚夫拍拖一年半，係朋友介紹認識，一開始拍拖都好認真，而家答應求婚就當然認定對方。我都好鍾意小朋友，不過唔急，慢慢計劃。」Sara認為自己不太合適幕前的工作，久不久參與就幾開心，不需要太大壓力，「我而家係做英國物業買賣，本身姑媽做咗30幾年，好有經驗。（近來好多人移民？）我入行剛好遇上疫情加上香港的情況，所以這一行都開始得幾好。」除了Sara之外，其實同場的林麗薇同樣是地產界的同業，她經常會拍片介紹不同的樓盤，大多數都是豪宅類，非常厲害。

提起地產，李姿敏下嫁練馬師賀賢後誕下一子，她表示婚後都專注相夫教子，「我自己親自照顧囝囝，親力親為，但好開心。今次重返TVB都好大感觸，2010年離開之後去外國讀書，之後都冇返過嚟，好多當年參選嘅畫面都浮現喺個腦度。」她直言有打算過做主持工作，不過完成學位之後就再沒有做幕前的工作。早前李姿敏斥資1100萬購入柏傲莊III的河景2房單位，可惜偏偏遇上建築質素出現問題，需要拆樓重建，李姿敏說：「係呀咁啱得咁橋，發展商畀咗幾個選擇我哋，我哋都決定保留呢個物業。我覺得發展商好肯承擔，賠償都好好，預計遲九個月度收樓，我哋對新世界有信心，（好黑仔？）唔係呀，都幾好彩，論抽樓運而言好好彩，呢個係我嘅心水嘅投資。」

東張西望│苦主稱疑被經紀誤導買保險 網友一眼認出00年落選港姐王殷廷【下一頁】

鄧沅叞（參選時名字：鄧源慧）笑言當年參選純粹是跟男朋友鬥氣，她說：「係意外，當時男朋友即係而家老公，佢問我有冇諗過參選香港小姐，佢笑我唔夠膽，我就去遞表，冇諗過會入圍。當時讀緊碩士，父母覺得呢個經歷可以豐富人生，所以參選，所以本身我從冇打算過做幕前，反而選完之後就投入我嘅教育事業。」她表示參選令她結識到很好的一大好姊妹，同屆的曹敏莉、楊洛婷和戚黛黛等，經常都會見面。鄧沅叞較早前是私立幼稚園的校長，現時仍然是教育工作，專責培育10至18歲資優學童。她表示：「從事教育工作唔多唔少都有壓力，對小朋友一定會謹慎，所以點都有少少壓力。」同場的王殷廷（參選時名字：王可惠）雖然都有曾經入行做主持工作，不過隨後淡出娛樂圈，經營美容店生意，早前曾以「苦主」身分接受娘家《東張西望》訪問，踢爆有經紀誤導人買保險的事。

同場加映：【娛樂直擊】肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手

{{hket:ul-video id="3965"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉