七公主｜陳曉華慘被強姦出場兩集即死？ 喊戲連場獲網民讚演技有進步

由黃翠如、林夏薇、高海寧、江嘉敏、陳瀅、鄺潔楹、劉佩玥及陳曉華等合演的劇集《七公主》現正熱播，日前一集講述黃翠如飾演的大狀顧靈珊為強姦案件擔任檢控官，受害者胡映雪（陳曉華飾）最終因母親為錢推翻口供，令被告劉世峰脫罪。胡映雪因敗訴心灰意冷，向顧靈珊道別後，說出一句：「我媽咪為咗錢出賣我，反而顧大狀你呢個外人就咁盡心盡力幫我。如果我有好似你咁嘅屋企人就好嘞，再見嘞顧大狀！」之後便跳樓自殺。

{{hket:inline-image name="chan5.png"}}{{/hket:inline-image}}

陳曉華在劇集播出後，於IG寫上感言，「映雪最後輸咗嘅唔只係一場官司，仲有輸咗對唯一親人嘅信任，甚至輸咗對世界美好嘅幻想。可能就只欠一個陪伴、一個支持、一個擁抱、一句加油、一個關心，就可以避免映雪嘅結局。辛苦你了映雪，再見。」

{{hket:inline-image name="chan14.png"}}{{/hket:inline-image}}

劇情只用文字交代陳曉華的角色跳樓自殺，不少網民認為她是主角之一，一定不會出兩集即死，或可能以黑化方式重新登場。而對於網民的疑問，監製陳維冠表示陳曉華的確會再出場，「再次出場嘅方式仲好特別！」

（↓點擊放大睇圖片↓）

在前兩集中，陳曉華主要是拍法庭戲，有不少喊戲。雖然暫時戲份不算太多，但今次表現亦被網民大讚有進步，例如︰「Good job, 咬字清晰了很多」、「演技進步好多，睇得出你下咗好多功夫同埋努力」、「看到你的努力和投入，期待你下次更多更好多的發揮」、「好用心去演繹」、「黐脷筋冇晒」。

{{hket:inline-image name="chan11.png"}}{{/hket:inline-image}}

{{hket:inline-image name="chan10.png"}}{{/hket:inline-image}}

{{hket:inline-image name="23423.jpeg"}}{{/hket:inline-image}}

陳曉華接受本報訪問時表示自己有努力改善咬字的問題，「自上套劇開始知道自己説話咬字唔理想，搵左幾位老師指導，經常練習。聽到大家嘅正面回應， 更加鼓勵到我繼續努力改善咬字方面嘅問題，希望下一套作品會更好。」提到連場喊戲，她就表示有好大的挑戰，「因為當中情緒要有明顯起伏，需要分析映雪每一刻嘅感受。多謝監製joe 事前嘅指導，對我準備角色嘅時候有好大幫助。」

七公主｜劉丹一集即死留低遺願畀七個女 網民搞笑問：點解根叔生極都係女？ 【下一頁】

同場加映：《智能愛人》丨簡淑兒性格內向怕做主持 與男友麥大力相處開心感幸福

{{hket:ul-video id="3940"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】