真·香港人 |李慧詩自爆聽《卡拉O！BABE》成長 啤梨反成小粉絲默默為偶像打氣

方力申（Alex）採訪完東京奧運之後繼續留在當地一人遊，「不甘寂寞」嘅佢連日嚟都有同大家開live互動。日前佢終於由日本返港並入住酒店接受隔離，呢日佢都唔例外，同聯同單車代表李慧詩、花劍代表張小倫和滑浪風帆代表陳晞文開長達一個半小時的直播，討論現時香港的體育發展、運動員所面對的困難和如何紓緩壓力等。

{{hket:inline-image name="AlTtpJ676SigbocQMqo8yqVPIEd6I87XTEf3I0xH9yM.jpg"}}{{/hket:inline-image}}

有「陰陽眼」嘅小倫經常直播講鬼故而備受關注，適逢撞正農曆七月，大家又再起哄叫小倫講古。不過「牛下女車神」李慧詩就似乎有啲怕怕，佢提到自己細個嘅時候係聽啤梨葉文輝嘅音樂節目長大：「我以前細個好鍾意聽電台，唔知大家有冇聽過《卡拉O！BABE》，啲人會（打上去）唱歌，之後我聽聽吓瞓着咗，之前一起身就（聽到）『恐怖熱線……』，真係嚇死我，真係勁驚……」

唔少網友都話畀李慧詩勾起「集體回憶」，仲話知道同女車神由細到大都有收聽同一個節目，感覺好似一齊成長咁，同佢好接近，非常奇妙！

陪住李慧詩成長，都咪話唔架勢！《晴報》搵嚟啤梨訪問，佢就指女車神都有聽佢嘅節目覺得非常榮幸，啤梨回應：「梗係好開心啦，因為李慧詩係我同埋好多香港人嘅偶像，我做嘅電台節目曾經陪伴過佢成長我覺得好榮幸😍我喺呢個奧運比賽過程裏面，其實我一直睇住佢嘅進展，我仲好似一個小fans咁樣send咗好多鼓勵嘅message俾佢IG，不過可能佢收到太多message又或者唔知我係邊個所以冇回覆過我。但係都唔緊要因為我只係想同其他人一樣畀佢知道好多香港人支持佢。」實行「全民」齊齊撐運動員，成件事都好熱血。