《周末祥麒倫邦》丨王書麒遭梁梓禧爆帶女友返電台 囝囝Cody名校畢業：佢乖得滯

童星出身的王書麒，大約9歲入行，曾經客串無綫的《歡樂今宵》、《民間傳奇》、《少年十五二十時》、《小太陽》等；他10歲正式出道，拍攝港台的兒童劇《小時候》，飾演「何家其」一角，與路家敏扮演兩兄妹。日前王書麒接受梁榮忠和梁梓禧港台節目《18.22聽緊你》訪問，梁梓禧笑問他是否周潤發的前輩，王書麒即說：「唔好咁講！」梁榮忠說：「你肯定係發哥前輩，因為《小時候》嘅時候，發哥仲喺《民間傳奇》跑龍套。」

{{hket:inline-image name="5.jpg"}}{{/hket:inline-image}}

{{hket:inline-image name="6.JPG"}}{{/hket:inline-image}}

在90年代，王書麒夥拍阮兆祥、陳國邦和溫兆倫主持港台節目《周末祥麒倫邦》，當年該節目甚受年青人歡迎，王書麒憶述：「我哋4個都係拍電視劇，有曝光，初初係祥仔同阿邦先，有一日我喺TVB拍緊劇，祥仔問我有冇興趣做電台，我就開始咗，後來有埋『老溫』溫兆倫加入。」梁梓禧笑說：「我好記得呢個節目好受歡迎，我喺1991年參加比賽入（港台）二台，喺星期六、日，我哋呢啲（𡃁）仔係最忙，要幫手執嘢、剪帶……好多謝書麒佢哋呢個節目，做咗幾年就唔做，因為佢哋唔做我先有機會上位。我曾經諗過出手段整走佢哋，但佢哋4個勁過我好多，整唔走，哈哈哈！」王書麒表示記得節目結束前，曾在大專會堂（AC Hall）舉行過演唱會，是一次難忘的回憶！

{{hket:inline-image name="8.jpg"}}{{/hket:inline-image}}

{{hket:inline-image name="7.JPG"}}{{/hket:inline-image}}

【現代愛情故事】許秋怡紅極一時點解曾欲輕生？ 靠王書麒捱過傷痛 50歲繼續登台【下一頁】

梁榮忠問及當年由電視轉到電台，在電台做節目「冇得見樣」，加上薪酬不高，有否想過辭職？王書麒說：「我同港台從來唔計較錢，係真嘅，可能係情意結。我10歲就拍《小時候》，就算而家你哋叫我，我都即刻嚟，所以唔係錢嘅問題；而且當時做《周末祥麒倫邦》，真係好鬼開心，開節目之前，我哋必定喺canteen食吓雞翼、食吓麵，我哋4個聚埋一齊係最開心嘅時刻。跟住大家度吓item，上到直播室，都係非常刺激開心，因為我唔係一個咁好口才、主動有話題嘅人，好彩阮兆祥同溫兆倫接受過DJ嘅基本訓練，有佢哋兩個喺度，我會定啲。祥仔講嘢好笑，溫兆倫就自動波，無論佢講咩、你聽唔聽得明、好唔好笑都好，總之佢唔會dead air，所以我唔會有咁大壓力；有時我唔知點講，可能會靜咗一陣，就全靠佢哋兩個帶氣氛。」

梁梓禧突然踢爆當年很羨慕這4位前輩，可帶女友返工入直播室做節目，王書麒笑說：「我一定冇，阿邦都好少囉，咁你哋估啦！」問到帶女友返工，會否影響做節目？王書麒續說：「都唔會嘅，我哋好少望，好多嘢都扮聽唔到。」梁梓禧聞後哈哈大笑，梁榮忠問道：「咁你又唔帶？」王書麒笑著表示：「我嗰個喺大堂等我！講吓笑啫，通常私人事比較低調。」

當年《周末祥麒倫邦》大受歡迎，直至溫兆倫開始要到內地工作，才有結束節目的想法，王書麒說：「少一個人會爭好遠，跟住好快就話暫時停一停，其實所有節目都冇話可以做咁多年都咁受歡迎，咁寧願喺比較受歡迎嘅時候停，等大家有個美好回憶。」梁榮忠聞言即說：「書麒講呢句，我都差唔多，見好就收！」拍檔梁梓禧即大叫：「唔好呀，忠哥！」

{{hket:inline-image name="90.jpg"}}{{/hket:inline-image}}

{{hket:inline-image name="89.jpg"}}{{/hket:inline-image}}

《小時候》王書麒喪母歪面走過三大低潮 靠登台養家 想供囝囝英國升學【下一頁】

談到兒子Cody今年已經18歲，王書麒與大太秋許怡在6月出席囝囝的畢業典禮，當時許秋怡在微博貼相留言表示期待Cody將來戴四方帽，王書麒指Cody很乖，「托賴佢真係幾乖，但我覺得佢乖得滯，通常人係咁，冇呢樣就想嗰樣。」最後，梁榮忠在節目中，講了自己對王書麒的看法，他說：「我細路仔嘅時候，因為《小時候》，我哋當王書麒係一個明星去睇；到我大個結識到書麒，就喺電台，先至真真正正叫做相識。我本來覺得你都係返嚟hea，但完全唔係，聽佢做節目，佢喺背後做咗好多嘢（功課），呢個對我嚟講係好深刻，所以王書麒對我嚟講，係一個永遠的偶像。」

撰文：黃曉妍

同場加映：《智能愛人》丨簡淑兒性格內向怕做主持 與男友麥大力相處開心感幸福

{{hket:ul-video id="3940"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】