謝嘉怡紮孖辮扮學生妹

謝嘉怡、吳偉豪及蘇韻姿等昨日宣傳處境劇《愛‧回家之開心速遞》，為迎接下月開學日，一眾演員以學生校服打扮示人。謝嘉怡和古佩玲首次宣傳劇集，嘉怡紮起孖辮的學生look相當可愛，她表示︰「我加入『尋寶圖』做員工，我個名叫呂冠君。我覺得拍劇幾好玩，不過都幾困難，因為唔識咩係演戲，我啲廣東話唔係咁好，不過所有演員都對我好好，教我拍戲又教我點發音，好多謝佢哋。」

蘇韻姿和吳偉豪前晚在《2021香港小姐競選》準決賽上，被主持人錢嘉樂大玩緋聞和負面新聞，他們表示相信司儀稿只是開玩笑，不會放在心上，最重要觀眾睇得開心，絕不會尷尬。吳偉豪首次做司儀心情非常緊張，開騷前不斷飲水及去廁所，幸好有好兄弟周嘉洛陪伴齊上齊落，他說︰「我都有啲甩轆，希望觀眾唔好介意，以後我哋會努力去做得更好。」

採訪：楊安莉